منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   لا أنا عيسى ولا أنتي مريم العذرا (http://vb.shmran.net/showthread.php?t=36940)

مداهيل 01-17-2013 12:30 AM

لا أنا عيسى ولا أنتي مريم العذرا
 


لو ما أبي القُرب ماقصّيت لك جرا ,
_____________ العمر ياخذ كثير أشياء ما ~ يعطي
يا سارقه القلب وقت النوم والمسرا
_____________ لو كان مابه حرامي نلغي الشرطي .
الليل | فاقد وجود : الليل ، والقمرا ,
_____________ جيب القمر ياحبيب الروح لا يبطي
يإللي قريت القصايد ليش ماتقرا :
_____________ إحساسي إللي كتبته وصار هو خطي .
نزعل ! طبيعي ، لأنه قلوبنا خضرا .. .
_____________ لكن .. نفكّر قبل لا جرحنا يسطي




كيفك إزعَل .. بس موكيفك تغيب
ولا تطوّل بـ الزّعَل ، إلاّ ثواني

أجرحِك وأرجَع بـ لحظتها الطبيب
مايداوي الجرح .. أي إنسان ثاني

لو تروح بـ داخلك أبقى القريب
باخذك كلّي معاي ، ومامداني

أوعدِك ، ما أجرحك بس اللبيب
يفهم إنّي ما أكرّرها وأعاني

غصب عنْك تحبّني ماهو بـ طيب
ما أبي أقول لك : خلّك مُكاني

حبّني لو كان بي مليوون عيب
وإقلب الدنيا ومافيها عشاني

وإن جرحتك ياحبيبي لاتغيب
حتى جرحي له طعم ويّاك ثاني

إيييييه أناني فيك يـ أْكثر من حبيب
ومن لسانك صرت أحب كلمة أناني



جرح الحبايب يروح العمر ما يبرا ،
_____________ من أجل هذا السبب خل ناخذ ونعطي
مثل البحر كنت وأدري غلطتي قشرا
_____________ إرتاحي من قوّة الأمواج في شطي
فْراقنا عن بعضنا قمة الحسرا </3
_____________ وإن شفنا أي عيب فينا لازم نغطي
ألوان هذي الليالي ماهي بس حمرا
_____________ أرتاح لي يوم ويوم بـ يرتفع ضغطي .
لا آنا عيسى ولا إنتي مريم العذرا
_____________ ما أبي أطوّل عليك .. ثنينا [ نخطي ]



..

صبآح ومسآء الرضى عالجميع

أبيآت للشآعر أحمد الصآنع
أعجبتني وحبيت تقرونهآ معي



يآليت تعجبكم ويارب مآيجيب الزعل للأحبآب

شيهان شمران 01-17-2013 02:04 AM

رد: لا أنا عيسى ولا أنتي مريم العذرا
 
حياك وحيا منقولك

درر وانت صاحب ذوووو ق

رفيع

محمد مزهر 01-17-2013 08:44 PM

رد: لا أنا عيسى ولا أنتي مريم العذرا
 
الله يعطيك العافيه على الطرح

معقل العصاه 01-25-2013 02:29 PM

رد: لا أنا عيسى ولا أنتي مريم العذرا
 
ذوق رفيع وعضو مبدع وكلمات في قمه الرووعه
لاهنت


الساعة الآن 05:10 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية