|
قصيدة .. ( شمران تاريخ مكتوب بذهب )
السلام عليكم ورحمة الله وبركاته أحب أن أقدم لكم هذه القصيدة التي أتمنى أن ترضي الجميع وأن تكسب إعجابكم ومحبتكم .. بالله أسمّي واقول الفخر وأشهد عليه حب وكرامه في المولى كفيل العباد حلفت بالله أنآقول القصيد النزيه وأنثر نفل شعري الصادق بكل البلاد ماني ولد لاش أنا من قوم بيض الوجيه اللي لهم فالمراجل نايفات .. ووكاد شمران جدّي نسب من جنب قحطان أبيه حنّا العناصي هل النوماس يوم الطراد شمران يا عزوتي يا قيف ماله شبيه يا نصرة المنتخي في يوم عج الجهاد شمران ربعي ولافيهم ردّيّ أو سفيه قالاتنا بالشرف تسمى وقدح الزناد شمران تاريخ مكتوب بذهب ماآحصيه شامخ ويعلم به القاصي ومن هم بعاد شمران تاج الكرم والرجل يخلف لأبيه للضيف توجيب منّا روح من قبل زاد شمران ياهل تباله.. يالفزع.. يالوجيه يا ساس مبني على مرّ الزمن ما يباد شمران يآل عامرن للموت ما تنتهيه ما هابته .. تشتريه بفعلها والمراد شمران ياقرن بن ساهر ولا عنك تيه فرسان والرأي فيهم معتصم بالرشاد شمران آل مخاسر الشجعان رأيٍ نزيه يخشى العدى شوفهم والوعد منهم زياد شمران بتهامه أهل الطيب .. علمٍ نعيه فعل الضواري وحصد الفعل يوم الحصاد شمران وأولاد حارث رأس والفكر فيه يوم الوغا فعلهم فعل الأسد يوم ساد وأنا ( سعد بن مجبّر ) كلمتي للنبيه أعني بها والبيوت أوثق من أقوى شداد سجّلت شعري وأقول القصد خير ووجيه شمران ربعي هل الأمداح .. سبق .. وجداد شعر أخوكم سعدعبدالرحمن آل مجبّر الشمراني |
صح لسانك ياغالي
شكرا لك بعدد احرف هذه القصيده المميزه وبأنتظار جديدك الجميل |
وعليكم السلام ورحمه الله وبركاته
ابو عبدالرحمن صح لسانك و بيض الله وجهك يالغالي على القصيدة تسلم يمينك ولا تحرمنا من جديدك تقبل مني خالص شكري واحترامي |
صح لسانك يالفحل يالطلق وماقصرت
تقبل اعجابي |
الاخ سعد الشمراني
بيض الله وجهك على هذه القصيدة في قبائل شمران فخر وعتزاز وصح لسانك وتسلم يالكفو |
الله يجمل حالك
وصح الله لسانك ونعم يالذيب |
صح لسان يابو عبدالرحمن وجمل الله حالك يالغالي قصيده الرائعة
فلا تحرمنا من جديدك يالغالي ونحن بأنتظار جديدك الجميل تقبل فائق احترامي وتقديري بن شنيف |
صح لسانك والله يابوعبدالرحمن
اتحفتنا بهذه الرائعه وننتظر المزيد منك |
وأنا ( سعد بن مجبّر ) كلمتي للنبيه
أعني بها والبيوت أوثق من أقوى شداد سجّلت شعري وأقول القصد خير ووجيه شمران ربعي سعوديين.. سبق .. وجداد **************** الشاعر سعد عبدالرحمن الشمراني عز الله انك شاعر وجملت ربعك بهذه القصيده وربعك يجملون ويستاهلون (احترم الرجل اللذي يفخر بربعه ويعتز بنفسه ووجدت في هذه القصيده وفي شاعرها هذه الصوره) موفقييييييييين الغريــــــ رجــــــــم ــــــــــب |
كفوا اخي العزيز (ابوعبدالرحمن)
انت كفو وربعك كفو من تهامه الى تباله قصيده تجمل ولاهي غريبه من رجل مثلك يابوعبدالرحمن تقبل تحياتي واعجابي بهذه القصيده اخوك: الوافي |
| الساعة الآن 08:37 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية