منتديات قبائل شمران الرسمية

صقر العروبة

بسم الولي عدلت نظـم القوافـي
اللي جعـل لكـل بحـرٍ مرافـي
والود لو نخفيه ما هـو بخافـي
نحب عبد الله على روس الأشهاد

ملكنا عسى ربي يعادي عداته

صقر العروبه يا ملكنـا المفـدى
ياللي على روس الجمايـل تبـدا
الخصـم لامنـه علينـا تعـدى
ترميه بالحربه على روس الشهاد

تكدر مشاريبه وتضني حياته

حاكم ولد حاكم وبالخير تحكـم
وتنصف المظلوم لامـن تظلـم
وتعطي المحتاج لو مـا تكلـم
تمد له كفك على روس الأشهاد

ولا تحوجه لأهل الحسد والشماته

ريحت بال المغتـرب والمواطـن
وفكرك الميمـون للكـل فاطـن
الخير في هذا البلـد دوم قاطـن
قبلة عباد الله على روس الأشهاد

لها يتجه من هو يؤدي صلاته

يا سيد المعروف والعرف والطيب
تطبب المجروح بالطـب تطبيـب
عداك من سطوة يمينك معاطيـب
تعمي نوظرهم على روس الأشهاد

ولا يهتني من خالف أمرك مباته

شعبك يعيش بهيبتك رافع الرأس
أيامه أعيـاد وليالهـم اعـراس
رأيك سديد وساطي العزم والباس
تعاملك معهم على روس الأشهاد

تقابل لشايبهم وتسند عصاته

الطيب طبعك والمكـارم وسامـك
فعلك يوافـق بالمكـارم كلامـك
تفرض على كل الوجود احترامك
تكسب مودتهم على روس الأشهاد

يحبون شخصك يوم تطري طراته

أنت الذي لك في ذرى المجد هامـه
خصك يابو متعـب بـذروة سنامـه
خضع لك التاريخ واهـدى وسامـه
والمجد يفخر بك على روس الاشهاد

يوصِّي بها العالم ويعلن وصاته

سجلت في عمرك للاحداث سيـره
مثل النفل إذا زهـى بـه عبيـره
غطى شذاه بروعتـه كـل ديـره
وحنا بناهي بك على روس الاشهاد

وسيرة كريم الوجه من طيب ذاته

حنا نعيش على ثرى الموطن أخوان
ولا نعايـش كـل نـازي وخـوان
من طبعنا إنا مع المقـدي أعـوان
ونعلن تلاحمنا على روس الاشهـاد

ولا نعترف باللي خرج عن ثباته

الله خلقنـا كلنـا نخـدم الـديـن
وأنت الذي يخدم مسمـاك بيتيـن
خدمة شرف والله جعلهم شريفيـن
خصك بخدمتهم على روس الاشهاد

وخادم بيوت الله تسمو صفاته

إسلامنا فيـه الصفـاء والتألـف
وينبذ أهـل التفرقـه والمخالـف
وأنتـه لنـا ظـلٍ ظليـلٍ ووارف
نعيش في ظلك على روس الاشهاد

وربي جعل حكم الوطن في ثقاته

كفـك كريـم وللمهمـات سبـاق
تطول بك وبسيرتك كل الاعنـاق
فارس شجيع وللمهمـات سبـاق
تعرف بوقفاتك على روس الاشهاد

كريمٍ ونفحات الكرم من سماته

شعبك يا أبو متعب لبيعتك مرتاح
وجه الوطن باسمك تغشته الافراح
منصف وعادل ثاقب الرأي لمـاح
تدرى مواجعنا على روس الاشهاد

لفى لك ولاء شعبك بساير فئاته

على الذي قدمـت للشعـب مشكـور
وأنت المليك اللي في الناس مذكـور
جادت يمينك والـذي فيـك مخبـور
نفحات جودك جت على روس الاشهاد

وشعبك مناتك وأنت غاية مناته

ويسلم ولي العهد والطيـب سلطـان
اللي غدى للطيب مرسـى وعنـوان
يسعى لبذل الطيب فـي كـل ميـدان
يحمي حمى الدوله على روس الاشهاد

وسلطان في هذا الوطن من حماته

وأختم بتسليمي على سيد النـاس
وصلاة ربي عد ما هب نسنـاس
على النبي المصطفى طيب الساس
اللي بعثه الله على روس الاشهاد

كريمٍ يعيش الكون في مكرماته