|
منوعات من شعر سعد بن جدلان
أعرف وجيه الرجاجيل وادل البيوت
ناس تنفعني وناسٍ بليا فايـده. بيتٍ أمره عشان السوالف والبَلوت وبيتٍ أمـره عشان الأمور الكايده. #سعد_ابن_جدلان يالأدمي ما دمت في صحة وخير تحمد الله و أعتبر نفسك هني لا صرت متعافي ولو أنك فقير تراك فعيون المريض أكبر غني #سعد_ابن_جدلان لو الفقر ضـيفٍ ،، وحنا معازيب يا مرحبا بالفقر ، دقه وجله الفقر ماهو عيب تدري وش العيب ؟؟ أنك غني والبيت محدٍ يدله #سعد_بن_جدلان أثر الزمن دوار وأيامنا طيش ومصادم الأيام يحتاج صمله الطير ياكل نملة الأرض ويعيش وان مات ترجع تاكل الطير نمله #سعد_ابن_جدلان اهل الفلوس تحب الشاهي المر عشان دنياهم حلاها زياده ولا الطفارى تدبغ الكاس سكر تبي تخفف به مرار النكادھ #سعد_ابن_جدلان بعض الكلام المختصر زبدته فيه اخير من سردن على غير زبده من يعمل المعروف في غير راعيه روح مراح الكحل في عين عبده #سعد_ابن_جدلان إذا انشدوك الناس احرص على الميم ماشفت ، ماقلت ، ماسويت ، مادري!. #سعد_ابن_جدلان ورَجلً لاجل رَبعه يجيب النواميس ورَجلً يجيب الكآرثه والمذلــــه ورَجلً يصرّ المال في داخل الكيس ورَجلً على المحتاج ماله يهلّـــه #سعد_ابن_جدلان ياناشـد ٍ عـن حالـي الحمـد لله انا خوي اللـي عسـى الله يدومـه سعـادة الرجـل الكرامـه بدنيـاه لـو ماعليـه إلا سمايـل اهدومـه #سعد_ابن_جدلان أدري أن الـوقـت حواج والـدنيا ممر والأصدقا ماتذخر إلا لحاجات الزمان أحدن لاجـيـت عـنده ثمانك عن عشر وأحدن لاجيت عنده غدت عشرك ثمان #سعد_ابن_جدلان يا عارف المذْنب ويا غافر الذنب ياخالقٍ من صلب الانسان الانسان عطفك ولطفك لـ احملوني على الجنب في ساعةٍ ماينفع فلان وفلان #سعد_ابن_جدلان الفوز ماهو فوز كـورة وبَاِلـوت ولا شعـر ولا مـزايـن قبـايـل الفوز والله توبة تسبـق المـوت قبل الوداع وقبل شـد الرحايـل الشاعر سعدابن جدلان رحمه الله |
رد: منوعات من شعر سعد بن جدلان
الله يرحمه مازالت قصائدة متداوله لجمالها
تحيتي لك |
رد: منوعات من شعر سعد بن جدلان
الأخ الفاضل بكر علي
شكرا لك لمرورك وتعقيبك لك مني اجمل تحية وتقدير |
رد: منوعات من شعر سعد بن جدلان
رحم الله آلشآعر سعد بن جدلان على هذه آلقصآئد آلرآآئعة شكراً لك أخي آلفآضل ,,, آلحمدآن على آلمشآركة آلقيمة لك أجمل آلتحآيآ : أميرة آلورد |
رد: منوعات من شعر سعد بن جدلان
الأخت الفاضلة أميرة الورد
شكرا لك لمرورك وتعقيبك لك مني اجمل التحايا |
رد: منوعات من شعر سعد بن جدلان
رحم الله بن جدلان رحمة واسعه
واسكنه فسيح جناته اخي الحمدان شكرا لك على هذا التواجد الفعال والمشاركات النافعه والمفيده بارك الله فيك وجزاك الله خير |
رد: منوعات من شعر سعد بن جدلان
الفاضل -الحمدان لله درك إختيار راقي كماك - وله أيضاً (رحمة الله عليه) ——- - قصيدة البارحة البارحـه يـوم الاوادم خواشـيـع في نومها وناعلى الكـوع واعـي هم(ن)يمزع سترة القلـب تمزيـع تقول ينهش ثومة القلـب افاعـي خذت القلم من بين روس الاصابيع وحبيت اميز سيرتـي وانطباعـي عزلت من صدقان عطلةالاسابيـع وعزلت من ضحك الوجيه الصناعي وعزلت من بنين بامالي مشاريـع جميد برد ولانس الشمـس ماعـي وعزلت من زرع الخلـي البلاقيـع وعزلت من رفـع الثنيـه رباعـي من نفعة اللـي ماطلبنـي منافيـع جميلة(ن)في غير اهلهـا ضياعـي في اسواقها ماعاد لشري ولابيـع لخطيت من رفقة طويـل الذراعـي اللي على الرفقه يسوقـه دوافيـع هـذاك تشـرى رفقتـه ماتباعـي امايشجعني على الطيـب تشجيـع والايعلمنـي حمـيـد المسـاعـي والا ليامنـه رمعـنـي روامـيـع وضاقت على كل الفجوج الوساعي جيته ويسرلي عسيـر المواضيـع وخلاخفايا خاطـري لـه وساعـي معرفتـه ماهـي معرفـة طماميـع ماتنتـج الاالغطرسـه والضياعـي ود @جاهله@ |
رد: منوعات من شعر سعد بن جدلان
وله أيضاً : قصيدة يا عيون الوحش عنق الغزال: ويش أسوي ياعيون الوحش عنق الغزال = لاحصل طاريك يفتح على قلبي أرواق لي ثلاث سنين بين الحقيقـه والخيـال = وأخر اشهر ذالسنّه تكمل الرابع غـلاق شبه وضحاّ فالمخاضير زاويها الحيـال = من غلاها عند أهلها تبـارى ماتسـاق تيهّت من صغرها بين ثنتيـنٍ هجـال = مهتويها راعيّ البل وعاشقهـا عشـاق عنديّ إنّك ماخذٍ تـاج ربّـات الجمـال = سلموّك الحسن من باب صنعاء للعراق... ود @جاهله@ |
رد: منوعات من شعر سعد بن جدلان
أخي الغالي أبا تركي
اشكر لك تواجدك وتعقيبك مع اجمل التحايا والتقدير |
رد: منوعات من شعر سعد بن جدلان
الأخت الفاضلة نوال الشمراني
اضافاتك جميله جدا ك جمال تواجدك المستمر والفعال اشكر لك تواجدك وتعقيبك مع اجمل التحايا والتقدير |
| الساعة الآن 08:36 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية