منتديات قبائل شمران الرسمية

- - هند أرغمت كسرى (http://vb.shmran.net/showthread.php?t=6347)

هند أرغمت كسرى

الغائب اللي مشتهي تكليمه
مضى عليّ الوقت ما كلّمني

سلّمت .. وأرقب ردّه وتسليمه
وابطأ.. واظنّه للجفا سلّمني

ياديم يامخزون بأحلى غيمه
ليت اللقاء أمر وحضر وأرغمني

من عام والأشواق في تحريمه
لاكن عسى للوصل ما يحرمني

هوا طيب عمر الشوق مع تنعيمه
ليت الصدود المفتعل يرحمني

هند أرغمت كسرى على تحجيمه
تحجيم تُرجم.. بس ما ترجمني

والحيره اللي كانت إسم وقيمه
زالت وأنا لازلت كلّ .. وضمني

فقير لله .. وأغتنيت بخيمه
مع ناقة(ن) مجهم ولم تجهمني

والقاسي اللي سمّ روحي ضيمه
صبري عليه أخاف لا يهضمني

أحبّه .. وروحي لروحه شيمه
والشام لو هُشّم فلا هشّمني

وأخيراً

هو حبّي اللي مشتهي تكليمه
حتّى لو أقفا الوقت ما كلمني

صح لسانك يابو عبدالرحمن على هذه الرائعه
منك..إعجابي في كلماتك وماسطرته لنا..

تقبل مروري
وقد تم إضافت القصيده في المجلّه تحت إسمك

صح لسانك أخي سعد على هذه القصيدة الرائعة

ويعطيك العافية يالغالي

تقبل مروري ولاهنت

تحياتي واحترامي

يهيض هاجسي لكل مايكتبه هذا الاستاذ الرائع
لك جل محبتي واعجابي 0

عزيزي سعد الشمراني00
قوة في المعني وسلاسة في الإسلوب وسهولة بالمفردات
سلمت يمينك على تسطير هذا الإبداع

وتقبل تحياتي00

صح لسانك وبيض الله وجهة
قصيدة رائعه
تحياتي لك
اخوك بن صهبان

صح لسانك يابو مجبِّر

قصيدة فيها من العتاقة والتحدي والاعتزاز والحب الرفيع

وفيه من الطباق والتضاد الكثير بلاغة المعنى وبيان الفكرة

طبعا فشهادتي مجروحة فيك لذلك لا يكفيك الوصف هاهنا

تقبل تحياتي واعجابي

اخي الغالي ابوعبد الرحمن
وهنا ارغمتنا على ان نقول
صح لسانك وسلم بنانك
ولا فض فوك
وحفظك الله من كل سوء

الغائب اللي مشتهي تكليمه
مضى عليّ الوقت ما كلّمني

.............................................
هو حبّي اللي مشتهي تكليمه
حتّى لو أقفا الوقت ما كلمني
قصيدة جدا جدا رائعه مشاء الله عليك صح اسانك يابو عبد الرحمن وتسلم يمينك لاهنت

صح لسانك يابوعبدالرحمن

دائم مبدع

لاتحرمنا من هذا الابداع