منتديات قبائل شمران الرسمية - جديد خلف بن هذال العتيبي

- المنقولات الأدبية (http://vb.shmran.net/forumdisplay.php?f=153)

- - جديد خلف بن هذال العتيبي (http://vb.shmran.net/showthread.php?t=41982)

جديد خلف بن هذال العتيبي

تطمني يا ارض اليمن جاك سلمان
واخوانه شيوخ الفخر والحميه

الله واكبر رددي بين الاوطان
وردي لحكام الخليج التحيه

يادار هادي عيشي بخير وامان
في ضلنا والنار للنار حيه

انتي لنا من قبل هدهد سليمان
اصل العرب والشيمة اليعربيه

عرشك كبير وله مكانه وله شان
ماتعتليه الخمه الفارسيه

بدري على الحوثي وبدري على ايران
وبدري على الاخوان والداعشيه

بدري عليكم ياضعيفين الإيمان
ياهل الغدر والفتنه الطايفيه

هذي خليجيه على رمح وسنان
من دونها اللي ماتهاب المنيه

من دونها اللي تحتمي كل ميدان
نوادرن على المعارك جريه

حنا الخليجيين ذربين الايمان
اسيوفنا دون العرب صيرميه

حنا لنا دينٍ محى كل الاديان
على كتاب الله وسنة نبيه

حنا الفخر حنا المكارم والاحسان
حنا الصطر حنا العزوم القويه

حنا هل الطولات من ماض الازمان
امجادنا من يوم بقعاء صبيه

تطمني يا ارض اليمن جاك سلمان
واخوانه شيوخ الفخر والحميه

الله واكبر رددي بين الاوطان
وردي لحكام الخليج التحيه