منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   الخواطر والقصص والروايات (http://vb.shmran.net/forumdisplay.php?f=9)
-   -   قصيدتان بين متزوج وعزوبي (http://vb.shmran.net/showthread.php?t=4691)

ولد صقران 01-20-2008 11:03 AM

قصيدتان بين متزوج وعزوبي
 
________________________________________
هذه القصيدة أعجبتني وأحببت انقلها لكم
وأريد كل شخص يصوت لقصيدة العزوبي أوقصيدة المتزوج

قال العزوبي يوم شـاف المعاريـس *** الرابـح اللـي لاقعـد مايقـومـي
أول سنـة كـلٍ يبـث الاحاسيـس *** وثاني سنة تجلب عليـك الهمومـي
وثالث سنة حط الرمـل والمتاريـس *** لابد مـن حـربٍ تقـوم وتدومـي
لامن دخلـت الـدار لاكنهـا بليـس *** متلفلـفٍ فـي غاليـات الهدومـي
تأخذ من المخباة وتسحب من الكيس *** وتغيـر الموديـل شـيٍ لـزومـي
وان قلت ما أملك يامره لوهو فليس *** قالـت تديّـن لا تكـثـر بلـومـي
ولاجيت مرة نـاويٍ لـك ب....... *** قالت تصّبـر خـل قلبـك رحومـي
ليتك تساعدنـي تصحـح كراريـس *** زادوا علينا أربع حصص في العلومي
أزوارة في العصر والصبح تدريـس *** والليـل تصحيـحٍ وودي أنـومـي
تبكي إذا جاها وجع لوهـو ضريـس *** وتقول أبي دكتـور ماهـو حكومـي
يروح عمرك بين عرسٍ وتأسيـس *** واربـع سنيـن والبزاريـن كومـي
وسط المطابخ بين قـز ومحاميـس *** هـذا صحـن رزٍ وهـذاك ثـومـي
والا خلصـت إمنظـفٍ الملالـيـس *** جتك تقول انهـج نبـي زود لومـي
ولا جبت قالت اكنس الحوش تكنيس *** خل البلاط يصيـر مثـل النجومـي
ومكرسٍ جهدك من الخوف تكريـس *** وان نادتك بالصوت اقبلـت مومـي
يجيك تـال الليـل دايـم كوابيـس *** ويشيبنـك مزعـجـات الحلـومـي
هذي حياة اللي ركض باغـي...... *** ضيع حيـاة أول وصـار محرومـي
تعيش يالمعـرس حيـاة المحابيـس *** وشف العزوبي بكل شارع يحومـي
من مفرق جلاجل إلى جوي للخيـس *** وان حار حايرهم بوسطـه يعومـي
يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي
شف العزوبي مايعـرف الهواجيـس *** ولا يـودي حرمتـه كـل يـومـي
يا عنك ماحاش الفخـر والنواميـس *** الا عزوبـيٍ يـعـرف السلـومـي
اذا اعرس المعرس غدا عندنا هيس *** ونزيل اسمه مـن سجـل القرومـي
والى بغيـت البهذلـة والدحاويـس *** فأعرس وخلك من عـداد الرخومـي
وش صابكم من عرسكم يا المفاليس *** وش استفدتوا غيـر دق الخشومـي
اللي تزوج أشهد انـه غـدا تعيـس *** والرابح اللـي ماخـذٍ لـه..........
ترى عناق العام نطت على التيـس *** والحرعقب العـرس يصيـر بومـي



قال العريس



قال العريس أنا الذي في سـعاده ××× ماني عــزوبــي ضايق الصدر مهموم
مبسوط من مثلي قعـد عنــد غاده ××× مهوب مثـل اللي لحاله تقل بـــوم
في كل لــيله حاضنٍ لـه وسـاده ××× وانا مـع المـزيون في غـرفة النوم
أنا اشهد انه عايـشٍ في قــراده ××× يروح عــمــره مـا تهنى ولايوم
الى دخــل للبيت يبلش بــزاده ××× يقعد يقــطّـع له طمــاطٍ معه ثوم
ولا قضى عقب العصـر من عداده ××× والـحوض من كثر المواعين مزحوم
والى غسلهن ثم فـك الســـداده ××× دلى يغســل له سـراويل وهــدوم
وان ماطــبخ روّح لمطعـم حمـاده ××× والا قـعد في منزله واعـلن الصوم
وان جاه ضيفٍ باغيٍ لـه رفـاده ××× يـروح يشــري رز وايـدام ولحوم
ما يعرف الشمبو وراسـه عــراده ××× وشــمغه من الكواي ملـيانه رقوم
ما يكنس الفرشــه ويلقط بــداده ××× اما بقـايا رز او خــبز معــروم
عنده صراصيرٍ بحـاجه ابــاده ××× تسـرح وتمرح في الغرف دايم الدوم
يجمع قروشه ويتســـلف زيـاده ××× حتى يسافر مصـر او ديرة الروم
او راح يم التاي وتـــرك بـلاده ××× ناظر جـوازه ممـتلي كله ختوم
دايم يسافر ما يعـرف العــباده ××× يسكر وينكر و........ بالكـوم
له موتر خرده كثير فســـاده ××× في كل يـومٍ في الاشارات مصـدوم
غمارته تقول ورشــة حـــداده ××× ومريقـده في شـنطته دوم محزوم
دوم يتنقل تقــل كنه جــراده ××× في كـل يومٍ نازل له على قــــوم
يسهر والى قام الظهر من رقـاده ××× روّح على شغله والى اليوم مخصـوم
يذي بنات الناس يبغي مـراده ××× في كل يومٍ زاهمٍ له على ( هـــوم )
اراه مايعـرس ويقـدح زنـاده ××× يترك بـنات الناس ويصير معصوم
يلقى هنوفٍ تخـدمه مثـل داده ××× ويصــير رجّالٍ ويسلم من اللوم
يفرح الى من قرب وقت الولاده ××× ويصير معنى العرس بالحيل مفهوم
يشوف أولاده ومعهم شهـــاده ××× قبل الـوفاة وقولة الناس مرحــوم

بن صهبان 01-31-2008 09:01 PM

سلمت يمينك ع النقل الاكثر من رائع
الله يعطيك العافيه
تقبل مروري المتواضع
اخوك بن صهبان

عايض بن علي 01-31-2008 09:04 PM

ولد صقران
شكر ا على ما عوتنى من جديدك
لاهنت وبارك الله فيك

بلقاسم الشمراني 01-31-2008 09:10 PM

جمييييلة جدااااا

يعطيك العافية

وسلمت يمينك على النقل

لاهنتيالغالي

المحروم 02-01-2008 12:33 AM

تـــــــم النقل من قبلي .....الي منتدي المنقولات الادبيه

ولد صقران 03-07-2008 07:55 PM

الف شكر لك اخوي بن صهبان واخوي فتى الاحلام واخوي بلقاسم واخوي المحروم

ع المرور الرائع واعذروني ع التأخير في الرد

قلم 03-07-2008 09:09 PM

جمييييلة جدااااا

يعطيك العافية

وسلمت يمينك على النقل

لاهنتيالغالي

ولد صقران 03-08-2008 01:22 PM

اقتباس:

المشاركة الأصلية كتبت بواسطة قلم (المشاركة 74411)
جمييييلة جدااااا

يعطيك العافية

وسلمت يمينك على النقل

لاهنتيالغالي

شكرا لك ع مرورك الجميل


الساعة الآن 08:39 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية