منتديات قبائل شمران الرسمية - يا حمود في خطك فرحت وتألمت (مساجلةشعرية)

مساجلة جميلة جرت بين الشاعر حمود بن محمد الحربي قصيدة
وقد وجهها للشاعر محمد بن عبدالله العسيلي الذي ثمن هذه المشاعر وذلك بردّه الجميل بانتقاء المفردات الجزلة.

الصوت:

سلام يا خالٍ على البال لاقمت

حاديني اللازم وضيّق حدودي

كان البناخي قال للخال لاهنت

أقولهـا تكرار طيبٍ يزيدي

مابي بها نوفه ولا قولت احسنت

خالٍ كريمٍ وبالمواقف عضيدي

لاقلت وش سويت قلت الوفا أنت

حافظ لك أفعالك سواة الرصيدي

حسن القبال ومذهبٍ به توسمت

يشهد به العرّاف.. وأنا شهيدي

ياطالب العليا مع الوقت برهنت

حسن السجايا مع جنابك تزيدي

الطيب لاهل الطيب مايلزم الصمت

يكبر بهم مع كل عمرٍ جديدي

وأنته من اللي بالطلايع لهم سمت

سمت الوقار ورأي ملهم سديدي

مبعد جنابك عن ردى صاحب الشمت

اللي على الزلات جهده جهيدي

ماهو غريب أمدحك بالفعل قدمت

منهاج عزٍّ في زمانك فريدي

واصل مسيرٍ من شبابك ترسمت

هو الرصيد وكل فاني زهيدي

وآخر كتابي يا كريمٍ تكرمت

لك الدعا منا بعمرٍ مديدي

وأسلم سلمت وطول الأيام لي دمت

يا خير من ينصاه حامل بريدي

الشاعر - حمود محمد الحربي

الصدى:

حبيت ياللي بأطيب القيل سلمت

سلمت من جور الزمان المكيدي

ياللي بزينات المثايل تكلمت

مثايلٍ فيها حرصت و تحكمت

تشرح معانـيهـا هدفك البعـيدي

ورافقت تيار الخيال وتوهمت

مشاعرٍ منها يذوب الجليدي

ياحمود في خطك فرحت وتألمت

كنك تحدثني بيوم الوعيدي

الله يبيحك لو تجاوزت وألحمت

في مدحنا لعل رايك رشيدي

حدّك غلانا والغلا يكسر الصمت

الله لا يكسر غلاك التليدي

يا حمود كان أني بلازمك ساهمت

وإلياك لك حقٍ علينا وكيدي

لو حسنا حاسوس يا حمود مانمت

بناخي ومن ربعٍ حجاهم شديدي

إليا جا النهار اللي براده تقل حمت

نطعن بكم ثغر الخصيم العنيدي

وأنا بفعل الطيّبه ما تندمت

الطيب بالطيّب جميله يفيدي

أيضا إليا مني على الأمر عزمت

أخذت من صدق التجارب شهيدي

يا حمود من كثر التجارب تعلمت

معانيٍ منها الأدب يستفيدي

مرت بي أيامٍ عن أسقاطها شمت

وبلاويٍ منها يشيب الولي الوليدي

لاشك ما سبيت غالي ولا لمت

حظٍ ماهو في كل مرّه سعيدي

مستر شد اللي في حباله تلزمت

اللي تعلّق به قضايا العبيدي

وأختامها ياللي بثنانا تقدمت

الله يذكر لك ثناك المجيدي

الشاعر - محمد عبدالله العسيلي