منتديات قبائل شمران الرسمية - قصيــــده في بنــــي هـــاجـــــر

هذه القصيده قلتها في الشيخ الكريم مبارك العسكرالهاجري
عندما اقام له اخي الشيخ محمد بن عوضه منسابه
لخروجه من المستشفى

ليلة الثلاثاء الموافق 12/4/1433

هــلا مــرحبا تــرحيــبة الطيــب بالضيفــان
تـــــراحيــب من دايـــم للأجـــواد رحـــابـه

هــلا يا رجــــال طيبــها يــرجــح الميـــزان
هـــواجر سنــام المجــد بالطيـــب تـرقـــابه

علــت بالمــراجل والمــراجل لهــا نيشــــان
هــدفها الوفــاء والطيـــب ما ينقـــفل بابـــه

هــــواجر لها التــاريخ من مــاضي الأزمـان
وخــزنـــــــة ظفــر يا حي قـــــوم تسمـــابه

دروب المراجل ما كسبها ســـوى الظفـــران
رجــــــــال علـت بالطيـب والطيـب تحيـــابه

هلا والصدور اوسع مـــدى والوفاء ينصـان
بمن عـــاش وعلــوم المطــاليـــق تـزهــابه

مبــارك فخــر كل الهــواجـر مع قحطـــــان
وفخـــر اصـدقـاه وفخــر للكل واقـــــرابــه

ابو عـايض العسكـر غـدى للوفـاء عنـــوان
كــــــريم السجــايا حـظ من هو تعــــزوابـه

عصـــامي وله بيــن الـرجــاجيل علـــم بان
وحب الكـــــرم شــــربــه وزاد يتغـــذابـــه

يقــولــون بالأمثـــال بأن الكـــــريم معـــان
والأمثـــــال بالأفعــــال تــاريخ متشــــابـه

فلا هــان من مثل ابن عسكر رفيع الشــان
عســى جنــة الله تحتــــوي شــايب جــابه

زرع في عياله من صفـــاته كرم واحسـان
وراثـات جيــل بعــــد جيــــل اتــواصـــابه

هلا بأسم بن عوضه وعن لابتي شـــمران
عــــدد من يحــج لبيــت ربـــي وصــلابه

شمـارين ما نـرضى المهـونه ولا ننهــان
ولــدنا من اول من ولــد للــوفـــاء نـــابه

وحب الكــــرم ورث لنا من على الجــدان
وكل لبــس طيــبــه كــما يلبــس اثيـابــه

وكل القبـــائل والنــعم مــابهـــا النقصـان
وكل بفعــــــله يفتخـــــــر ويتبــــاهـــابه

هـــلا عند من يكـرم ضيــوفه بكل سمـان
مع العــــود والــرســلان يا حي صبــابه

محمد يـرحب دون شـــمران قاص ودان
وذي عــادة اللي بالكـرم دســم اشنــابـه

بيــوت الكـرم للضيـف مفتـوحة البيبــان
وبيـت البخـاله يا عسـى النـار تشبــابــه

عسـى شـايب رباك يا نســـل بن حمـدان
عســى الله يـــرفــع منــزله ويتـهنـابــه

وباخــــر كـلامي يا صــلاة الله الـرحمن
على محمـد افضل من مشـت رجله اترابه

شعر زهير بن حمدان الشمراني