منتديات قبائل شمران الرسمية

شرب السجاره مايفرج عن الناس
يكثر مرض قلبك ويبدي لهيبه
خلا علومك باول العمر تنحاس
والراس قبل الشيب عجل مشيبه
اوصيك وانته راعي العرف والساس
وش لون واانته من جحافل عتيبه
ترى الخلا لاعرض القلب نسناس
طب الخفوق اللي تعذر طبيبه
اخلى بنفسك لاسرى كل هوجاس
وخل العباير من عيونك صبيبه
ترى البكى بين العشاشيق نوماس
بيرق وفى بين الحبيب وحبيبه
وانا بقلبي لاظلم الليل عساس
. والهم ينهش لحم الاضلاع ذيبه
لا مرت الذكرى ودقن الاجراس
وذكرت منهو راح تحت النصيبه.
غديت مثل اكليب من غدر جساس
وعرفت وش سر الحياه الكئيبه
ماللحزن في قلبي اليوم مقياس
ولو فاض دمع العين ماهي غريبه
والصبر شجره والحزن ضربة الفاس.
راحت غصونه بالضروب العطيبه
يوسف الشمراني