منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   الخواطر والقصص والروايات (http://vb.shmran.net/forumdisplay.php?f=9)
-   -   قصيده خارطه الطريق للشاعر سعد بن جذلان (http://vb.shmran.net/showthread.php?t=44)

عايض الشمراني 03-27-2007 04:35 PM

قصيده خارطه الطريق للشاعر سعد بن جذلان
 
يا ذا الجلال اللي عروشك فوق واملاكك حدر ******** ومهماً تسامت به عروشه مستحيـل يطولهـا



يا حـي يـا قيّـوم يـا ذا الأنافـة والكبـر********ما نافسك في عظمتك مكـر العبـاد وهولهـا



وما نافسك من عمّر بيوته على سطح القمـر********واللّي ترسي فـوق أقاليـم الميـاه سطولهـا



ما انته بحاجة من عبد ولا بحاجـة مـن كفـر********ولا بحاجـة ثابـت الدنـيـا ولا منقولـهـا



أنت السميع لمن حمد وأنت المزيد لمـن شكـر********واللي ما يشكر نعمـة المنعـم عليـه تزولهـا



ياذا الجبروت العظيـم ويـا القديـر المقتـدر********تفزع لنا في معضـلات مـا نريـس حلولهـا



تلعب بنا خلاّن فرغتنا كمـا لعـب الكـور********أن اقبلت صاحوا لها وأن دبّرت صاحـوا لهـا



لا هبّنا الطايف بعض الأحيان في فيـة عصـر********شهب الليالي مـن ورانـا يسحبـن ذيولهـا



أنت السلام اللي لك الإسلام وانت المشمخـر********اللي عجايب قدرتك فـي المعجبيـن ذهولهـا



سلام يا محمد رسول الله راعي الوجـه الأغـر********وسلام يا روح ملائكـة السمـا صلّـوا لهـا



سلام يا بو بكر يا عثمان يـا علـي وعمـر********وسلام يا سبـع الآفـاق أطلالهـا وسفولهـا



سلام يا صدق النوى سلام يا وسـع الصـدر********سلام يـا مفتـاح بيبـان الفـرج وقفولهـا



وسلام يا شمس الضحى تشرق على بر وبحـر********وتشرق على كل الديـار جبالهـا وسهولهـا



وسلام يا غر السحاب اللـي تبجـح بالمطـر ******** وشم الجبال اللي تبجح بالسحـاب قذولهـا



وسلام يا هوج الرياح اللي عطاهـا مستمـر********مهما خذوا منها من الحسنـات مـا ردوا لهـا



ليت الرحاب اللي لنا بوجيههـا حـق وقـدر********ما تضمحل من الزمـان ولا نشـوف سمولهـا



و ياليتنا لاما سرحنا اليوم الأبيض مـن فجـر********تبطي عبات الليل ما تضفـي عليـه سدولهـا



ولاّ ليامنهـا ضفـن سدولهـا يطلـع بـدر********يا صل ضياه اللي على الكوره تطـق طبولهـا



المعتبر يآخذ علـى الدنيـا دروس مـن العبـر********والنـاس يكسبهـا معاملهـا بقـد عقولهـا



أحيان تصدف لعبة الشاطر مع غلطـة عمـر********مره .. لكن لا عدت الغلطة مـا عـاد ينولهـا



حنا عرفنا كلنا ما طـال مـن شـيء قصـر********والأحلام ماتوا قبلنا شرهين ما وصلـوا لهـا



حتى الجمال اللي تحمّلهـا الهقـاوي بالصبـر********يالله بحملتهـا تقـوم وتــدّرج بحمولـهـا



والحب سيسـان العبـادة والعبـادة بالجهـر********ان ما قدرت تقولها وجـه الصحيـح يقولهـا



يسرون عميان المحبة تيـه فـي غـدرا الغـدر********للـي تحـد سيوفهـا واللـي تعـن خيولهـا



ولا تفكر فـي غنـاة ولا تفكـر فـي فقـر********وتشفع لبيضان الصدور احضوضها وفعولهـا



واهل التكلـف بالمعرفـة والتصنـع بالبشـر********والله ما هي حول الصحيح ولا الصحيح بحولها



اللي يفضّل ما يقيم بو ميـه مـن بـو عشـر********حتى الفضولية عن الفاضـل بطـل مفعلوهـا



اللي تخبره لحيتـه ذا ..طولهـا يصبـح بـزر********واللي تخبره بـزر يصبـح لحيتـه ذا ..طولهـا






سعد بن جدلان الأكلبي

سيف شمران 04-06-2007 04:28 PM

الله يعطيك العافيه على نقل
هذه القصيده للشاعر المعروف
سعد بن جذلالن

تسلم

عبدالله الشمراني 04-18-2007 03:18 PM

نحمد الله ونشكره على كل حال .

وصلوات الله وسلامه على النبي المصطفى .

اللهم ارض عن الخلفاء الراشدين ابو بكر وعمر وعثمان وعلي . ونسأل الله ونسأل الله مجاورتهم في جنان الخلد .

لافظ فوك يابن جدلان .

ويعطيك الف عافيه على الأنتقاء المتميز . والطرح الجميل . اخي عائض .

بارك الله فيك .

ولك الود والتحيه .

فارس شمران 05-15-2007 09:01 PM

مشكور على هذا النقل الرائع

احب الشعر 07-03-2007 03:36 AM

مشكور الاخ عايض الشمراني ******

وتمنياتي لك بدوام التقدم والنجاح*********

وشاعـــــــــــــــر بن جدلان غني عن التعريف*******

قصيده ممتازه **** واختيار موفق*********




http://www.uaeboys.net/vb/imgcache/2039.imgcache

حہہہسہہہہآيہہف!! 07-04-2007 03:03 AM

http://www.uaeboys.net/vb/imgcache/2944.imgcache

Hâkâ®ôk yâ GâlBê 07-04-2007 11:21 PM

مشـــــــــكور عايض على هذي القصيده ,,,,,,,,,
الرائعه والجميله واتمنى للك التوفيق ,,,,,,
والنجاح,,,,,,


الساعة الآن 11:35 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية