|
مرثيه الشيخ حمدان بن عبدالله في صديق عمره محمد بن مسفر قطاعه...
الوفاء من اهل الوفاء دائما عنوان
رجل بحجم الشيخ حمدان بن عبدالله ال مجري تصدر منه هالكلمات التي تعتصر الحجر لتخرج من جوفه اهاااته لتعلمه بما فعل الزمن في بني البشر..وذلك بامر الله سبحانه عز وجل... مرثيه الشيخ حمدان بن عبدالله في صديق عمره محمد بن مسفر قطاعه... يالهوبجة شنتي وشانت ضواحيـك من بعد شيـال الحمـول الثقيلـه بو مسفر نورك ونـور لاهاليـك سعد الرفيق وسعد من يرتجي لـه غيثك وغيث لكل من يعتزي فيـك وغيث البعيد وغيث كـل القبيلـة حلال عن ربعه عقود وشرابيـك بالمـال ولا فتـل رأي وحيـلـه فجعتنا ياوقـت ماكثـر بلاويـك وخليتنـي دايـم اجـر الطويلـه وخليتنـي ياوقـت متحيـر فيـك مالي سوى دمعي ووجدي وسيلـه ياراس هل الدمع وأبسل بما فيـك لانهيت صافي الدمع عطني حثيله هله على اللي مايخيـب هقاويـك اللـي لياماكثـر همـك يشيـلـه ياموت ماشاورتني لاجل اوريـك من العفون اعطيك عشـره بديلـه اللي لهم عرض المقفى مساويـك ومن الضيوف يريحـون الحليلـه ابكيـك ياشيـخ كـرام ايـاديـك عون الفقير اللي فزوعـه قليلـه الله على حسن المكـارم مقديـك وموفق في الأجر هـو والجميلـه ما أنته قطاعه أنت مروي ظواميك غيـث الفقيـر وللقبيلـة دليـلـة لعـل عبـدالله يمشـي مماشيـك ويبري صدى فوق القلوب العليلـة امس بكيت دشيش واليوم أنا أبكيك من بعدكم صارت حياتـي رذيلـه اصبحت مثل اللي هوى في تهاليك غشيـه عمـاه وفوقـه أسودليلـه ياروح وين اللي وجـوده يسليـك لي ضقت تركب موترك وتعني له محمد ولد مسفر ليا جيت يشفيـك حر على روس النوايـف مقيلـه يالله ياعـدل نخافـك ونرجـيـك مبرد لهيب النار وانجـى خليلـه ياسامع ذا النون يوم انـه يدعيـك في بطن حوت الماء سمعت تهليله باسمائك الحسنى انازهمك وارجيك في جنة الفردوس تجعـل نزيلـه وعضنا بصبر ولزمة في عراويك واجبـر عزانـا يامزبـن دخيلـه يالعبد وقتك لوضحك لـك يبكيـك والعمر لو طـول بياتـي رحيلـه فيالله بعمل خالص منك يرضيـك واكتب لنا عنـدك اعمـال جليلـه ياروحي اصبر كان مافيك يكفيـك وعزي لمن كانت دموعه حصيلـه وصلاه يالله منك عـدة ذواريـك على محمد عـد رمـل المسيلـه منقولللللللللللللللللللل تحياتي |
رحم الله الشيخ محمد بن مسفر الشمراني رحمه واسعه واسكنه في فسيح جناته
هذا الرجل المعروف عند كل شمراني بالكرم والشيمه والاخلاق وصح لسان الشيخ حمدان بن مجرى على هذه القصيده الرائعه كما اشكر الاخ فارس شمران على نقلها لنا |
فارس شمران
تسلم يمينك يالغالي وبيض الله وجهك على هذا النقل الرائع رحم الله فقيدنا رحمةً واسعه لك مني الاحترام والتقدير |
فجعتنا ياوقـت ماكثـر بلاويـك
وخليتنـي دايـم اجـر الطويلـه وخليتنـي ياوقـت متحيـر فيـك مالي سوى دمعي ووجدي وسيلـه ياراس هل الدمع وأبسل بما فيـك لانهيت صافي الدمع عطني حثيله هله على اللي مايخيـب هقاويـك اللـي لياماكثـر همـك يشيـلـه ياموت ماشاورتني لاجل اوريـك من العفون اعطيك عشـره بديلـه ياموت ماشاورتني لاجل اوريـك من العفون اعطيك عشـره بديلـه ياموت ماشاورتني لاجل اوريـك من العفون اعطيك عشـره بديلـه ياموت ماشاورتني لاجل اوريـك من العفون اعطيك عشـره بديلـه صح لسانك يابوعبدالله قصيدة جزلة ومؤثرة ومن القلب للقلب وتظهر مدى التاثر في فقدالرجال المطاليق رحمك الله ياقطاعه وادخلك فسيح جناته واموات المسلمين وشكر جزيل لك يافارس شمران على النقل ونتمنى اثراء منتدى شمران بمثل هذي المشاركات الجزلة |
بسم الله الرحمن الرحيم
أولا أسأل الله العلي العظيم ان يتغمد فقيدنا الغالي علينا والذي ألمنا فراقه (والدنا جميعا معدن الكرم والاخلاق : محمد بن مسفر بن مقبول الشمراني) أسأل الله ان يرحمه رحمة واسعه وأن يسكنه فسيح جناته ويطرح البركه في من خلفهم من بعده هذه القصيده والالم الذي تحتويه كلماتها ليست بغريبه من رجل مثل الشيخ : حمدان بن عبدالله المجري الشمراني يعرف معادن الرجال ذكرني بمرثيه كتبتها في أبومسفر (لكني أرى مشاعري ومشاعر حمدان واحده) فله جزيل الشكر على هذه القصيده والشكر موصول للاخوان اللذين نقلوا هذه القصيده رحمك الله يابومسفر رحمة واسعه أخوكم ابونايف الشمراني |
أخي فارس شمران
أثرت الأشجان وجددت الأحزان الشكر لك مبذول وإن كنت فعلت بي الأفاعيل على مثله فيبك من كان باكيا وفي مثله فليكتب |
اخي فارس شمران
بيض الله وجهك على نقل هذه القصيده واشهد الله ان كل ماقاله في المغفور له بأذن الله صحيحا واقل بكثير مما نعرفه عن هذا الشيخ (الفقيده) لك كل التقدير |
الاخ فارس شمران منقولك رائع والله يرحمه
لك مني الاحترام والتقدير &مخاوي الجروح& |
تسلم الله يرحمه واموات المسلمين |
اقتباس:
|
| الساعة الآن 08:58 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية