منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   ديوان الشاعر علي سعد ظافرالشمراني (http://vb.shmran.net/forumdisplay.php?f=80)
-   -   شبيه الطفل (http://vb.shmran.net/showthread.php?t=11409)

علي سعد ظافر 12-16-2008 07:33 PM

شبيه الطفل
 
كل عام وانتم بخير ... وعساكم من عوّاده

مشاركتي واتمنى من الله ان تنال الرضا..


اذا منّا تقابلنا عشيّه..
انا وانتي وحول ابها البهيّه


اسلم من بعيد اخشى وليّك..
واشوفك ماتردين التحيّه


تجاهل او تعالي او تغلّي..
او تخافين لانصبح قضيّه


انا وانتي قضيه منذ مبطي..
وقاضيها يبي يقضي عليّه


ومادام الحب خصمي فالله اقوى..
انا في الحب ماعندي حميّه


اذا حبيت شخص انهد حيلي..
وعانقت الحروف الأبجديّه


وعانقت القصايد كل ابوها..
وجددت العصور الجاهليّه


قريت في الكتب لين اتعبتني..
سوالف قيس ليلى العامريّه


وانا ذلحين قيس ابن الملوّح..
ويمكني تعديته شويّه


رسايل شوق واطروق وقصايد..
ولاينقصني الا الهاشميّه


من الافراط ملتني حروفي..
وتاهت مفرداتي في يديّه


شبيه الطفل ف اول ابتدائي..
وانا عندي شهاده جامعيّه


ارتب كل فكره واتّبعثر..
على التعبير مالي مقدريّه


حروفي ورد والدم ترتوي به..
وكسر صدك اغلى مزهريّه


ثلاث اشهور وانا اكتب قصيده..
قويه بين خلق الله قويّه


حرام الي تسوين ارحميني..
انا لي قلب ماتلقين زيّه


ابن شداد لو عاصر زماني..
حلف بالله مايعشف بنيّه


واقر اني على العرش امتربع..
وعرش الحب للحاكم بليّه


ابااشرح كل كلمه وافهميها..
من جروحي هنا منتي بريّه


لوتجيبين سجاده ومصحف..
واشوفك طهر والأديان حيّه


تبعتي قاعدة كل العذارى ..
دخيلك حاسبي ماهي بهيّه


حراميه تظنيني حرامي..
وانا مظلوم وامشي بالسجيّه


تعالي واقري اخر ماكتبته..
عليها اسمي ومجهولة هويّه


لعلك تنصفيني ياغناتي..
اذا شفتي معاناتي جليّه


وتدرين اني احبك حقيقي..
اذا كنتي على خبري وفيّه


واذا منك قريتيها ارسلي لي ..
وردي ان كانت الخطر نقيّه


تراني باتحرى هالرساله..
وامانه منك راعي الله فيّه



علي سعد ظافر الشمراني

عايض حامد الشمراني 12-16-2008 11:53 PM

الله يابو سعد على هذا الجمال وهذه الروعه

صح الله لسانك على ماسطرته من كلمات
فقد أمتعتنا وكم كان شوقنا لنقرأ لك المزيد.
الإبداع منك يقتبس كيف لا
وأنت إبن أخ الشاعر العريق محمد بن ظافر الشمراني

لك مني تقديري وجزيل شكري

علي الساهري 12-17-2008 01:06 AM

صح لسانك

بصراحه اول نص اقرأه لك واقل مايقال عنه مدهش

سعيد بن منجية 12-17-2008 01:52 AM

صح لسانك يابو سعد

دائما كما عودتنا مبدع والابداع هو انت

تحياتي

سيف الشعر 12-20-2008 07:46 AM

صح لسانك
ابداع يتجدد في كل مره قصيده في قمة الروعه والجمال
تسلم ولاهنت

العالمي 12-20-2008 08:09 AM


صح لسانك يالغلا

كــلماااات رووعــهـ....
وسلمت يد ك
تقبل مروري أخي الغالي


سيف شمران 12-20-2008 08:44 AM

صح لسانك يابوسعد وين الغيبات
ننتظر الجديد بعد طول الغياب
وهذا اوله لاهنت وتقبل تقديري

بوفيصل 12-20-2008 11:54 AM

صح لسانك مبدع دائم يابوسعد

ال مخاسر 12-21-2008 02:46 PM

صح الله لسانك

ابونايف الشمراني 12-21-2008 06:13 PM

ثلاث اشهور وانا اكتب قصيده..
قويه بين خلق الله قويّه


ـــــــــــــــــــــــــــــــــــــــــ

قويه وحلوه يابوسعد
انت شاعر مبدع (غيابك يجعلنا نتساءل)
تعال وانثر ابداعك بيننا ولا يطول غيابك

تقبل تحيات اخوك ابونايف


الساعة الآن 03:03 AM.

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية