|
هــبــي يــا هــبــايــب
السلام عليكم ورحمة الله وبركاته من طي الذكريات وقديم الابيات يتشرف بمصافحتكم ذعذع النسناس هبي يا هبايب = والشعر ينساق لاهبت هبوبه قدح راس ٍ ما تحيـّره العجايب = يفتل الجزلات ما يلقى صعوبه لا التقى الجمعين والتركيز غايب =كلمة الشاعر على الكل محسوبه احتزم يا قاف في وقت الحرايب = شاعرك ضايق وضاقت به دروبه رفقة الداني توردك السبايب = إن جفا طيبك.. تعيبت بـ عيوبه شايل ٍ قلبي وأشوف من الغرايب = نوبة ٍ أسلى وأصر الهم نووبه وعادة الأبطال في وقت النشايب = ترتكي للي يساق العرف صوبه وأنت يا قلبي نسوق لك الطلايب = بس ترضى وأتهادى في عذوبه وكلمة ٍ لا جات لك من فم عايب = عدّها لو كانت النفس مغلوبه لا يهمك هرج ملـعون الصلايب = جمّل الله حالك إن قلت (انفروا به ) وسلامتكم |
رد: هــبــي يــا هــبــايــب
قدح راس ٍ ما تحيـّره العجايب = يفتل الجزلات ما يلقى صعوبه
وعليكم السلام ورحمة الله وبركاته ونعم يابن طهيفان اسعدنا هذ الحضور فلا تحرمنا ايها العزيز والقريب من حضورك المميز قصيده رائعه فصح لسانك |
رد: هــبــي يــا هــبــايــب
ابراهيم بن طهيفان
متألق ومبدع وتنحت من صخر تعلم رأيي في بوحك العذب نص شامخ كشموخ ابراهيم ننتظر دررك وان كان من القديم شكرا لك بحجم السماء ... ولك ودي وعاطر وردي |
رد: هــبــي يــا هــبــايــب
بيض الله وجهك على الابيات الذي تعد من العود الازرق والذهب الصافي
لك كل الاحترام |
رد: هــبــي يــا هــبــايــب
صح لسانك وسلمت يمناك
|
رد: هــبــي يــا هــبــايــب
صح لسانك يا ابو سعد ويعطيك العافيه
ولك تحياتي وتقديري |
رد: هــبــي يــا هــبــايــب
كفؤ يابو سعد وصح الله لسانك ملايين وأكثر
أعجابي يتواصل بشاعريتك التي نتمنى أن نجد الكثير منها في هذه المنتديات وعادة الأبطال في وقت النشايب = ترتكي للي يساق العرف صوبه ونعم مليار |
رد: هــبــي يــا هــبــايــب
اقتباس:
يامرحبا يابو تركي واسعدني تواجدك وردك خالص التحية والتقدير. |
رد: هــبــي يــا هــبــايــب
اقتباس:
تواجدك مصدر فخر واعتزاز لي خالص التحية |
رد: هــبــي يــا هــبــايــب
اقتباس:
ووجهك يا ابيض يامحمد شاكر مرورك العطر |
| الساعة الآن 03:12 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية