في مدرسة علي بن مسفر
 

ضــيــف الله الـعـامــري

انت معروف ياشاعر بنـي عمنـا
والله مايجهلك غيرالـردي البعيـد
يابو فيصل عسى الدنا فداك وفدانا
لاتدور علوما فـات وقـت لهـا

عـلــي بـــن مـسـفــر

الهـدف نحتمـي سـد منيعمنـا
والذي خالف السنه هب الكلب عيد
ان كان انك بتوفد للبلـد بوفدانـا
ناظـر الشـاره بعينيـك وقتلهـا

ضــيــف الله الـعـامــري

دم بعض العـرب مايقبلـه دمنـا
بعد ماجت رسايلهم لساع البريـد
دامنا ننعرف في طيبنا في وفانـا
كلمة الطيب والمعـروف نحتلهـا

عـلــي بـــن مـسـفــر

خاب شخص نوى بالغدر يهدم منا
والا ياليته يتعرض لساع البريـد
قله يجيب جيشه في دينـا وفانـا
ان كانه نـاوي الديـره فيحتلهـا

ضــيــف الله الـعـامــري

ياالله لاتجعـل الدنـا كبـر همنـا
وحمنا من نهارا فيه يوم الوعيـد
ارضنا تقبل الي نازلآمـن سمانـا
ونت من جدوك الفايض هبيت لها


عـلــي بـــن مـسـفــر

يابو ثامر ترى زود الكبـر همنـا
كم لي اردد الجمله واكررواعيـد
ان نوينا القنايص صيدنا من سمانا
خل راعي الذلول اللي هبي تلهـا


ضــيــف الله الـعـامــري

مايطيق العدو يدخل علـى لمنـا
صفنا واحدا وقلوبنـا مـن حديـد
يبطي اللاش ماتوصل يدينه حمانا
ربعنا روس قومـا ذاع صيتلهـا

عـلــي بـــن مـسـفــر

اهبط السوق هب لمك على لمنـا
هذا طبع الحديد اللي يحب الحديد
نحمد الله جليل الملك لانه حمانـا
لان أوامره ماعمـري عصيتلهـا

ابو ثامر

ياهلا وغلا فيك وبيض الله وجهك وصح لسانك يالغالي انت وابو فيصل

تم نقلك الموضوع مني بالغلط وتم تصحيح الخطاء

لك مني الاحترام والتقدير

بيض الله وجوهكم على التواجد والتشجيع

هلا يابو ثامر
مشكور على ايراد هذه الرائعه

تحياتي لشخصك الكريم

الله يجمل حالكم يالنشامى والله اني عاجز عن شكر كل من علق على هذا الموضوع

صح لسانك يابو ثامر وصح لسان ابو فيصل

وتسلم على نقل هالمحاوره الرائعه لنا

ولاتحرمنا من جديدك