لاصار بشتك مايلحف قرابتك
لاصار بشتك مايلحف قرابتك
لفّه و خلّه مع عباة الحليله الناس ماتنظر لوجهك وصورتك لاصار ثقل الحمل ماترتكي له ترى المراجل وانت نايم تعدتك وراحت لمن حملك وحمله يشيله واحذر مقصّك لايعود لّلحيتك واحفظ كلامك لايجي فيه عيله ودليل عقلك لاتكلمت هرجتك مثل السراج ومثل نور. الفتيله والناس ماتغفر مع الوقت غلطتك ارفع مقامك عن دروب الرذيله ترى لسانك هو علامة كرامتك ومن يخطي الجزله يصيد الهزيله واحفظ فروض الدين فيها معزتك والزم كتاب الله وسنّة خليله واعرف حقوق اللي من الديد غذّتك من قبل ماتردم عليك النثيله امّك تراها من مفاتيح جنّتك حافظ على المفتاح بِأيّة وسيله كم ليلةٍ تسهر على شان راحتك عسى جزاها في الجنان الظليله وخدمتك للوالد علامة رجولتك لامات ماتلقى مكانه بديله لشيبته رباك ولاهو ب ذاخرك يبيك ترقابه براس الطويله حتّى ايش لو تنثر على القبر دمعتك مادام كفّك في حياته بخيله وعلى خوانك لا تمارس شجاعتك اخوك عضدك ماتحصّل مثيله للضيف رحّب حين ينزل بساحتك وكرامته واجب عليك وفضيله اعطيتك الموجز وعلمي سلامتك يكفيك عن فلم الف ليله وليله وترى المنايا يمّ غيرك تخطتك وموعدك معها واليالي قليله هذي نصيحه وانت راجع مسيرتك واعرف طريقك لايجي فيه ميله واحذر عدوٍّ في طريقك يباغتك وبرقٍ يجنّب عنك لا تستخيله يا الله طلبتك في الخواتيم رحمتك ماغيرك احدٍ كلّ كربٍ يزيله الشاعر عبدالله العاصي |
رد: لاصار بشتك مايلحف قرابتك
صح لسان قايلها وصح يدك ناقلها
الشاعر عبدالله العاصي غير معروف |
رد: لاصار بشتك مايلحف قرابتك
صح لسان الشاعر شكرا اخي الحمدان على طرح القصيدة جزاك الله الف خير على كل ما تقدميه لهذا المنتدى ننتظر إبداعاتك الجميلة بفارغ الصبر |
رد: لاصار بشتك مايلحف قرابتك
شكرا على القصيدة اخي الغالي
احرف مميزة صح لسان الشاعر والله يعطيك العافية |
رد: لاصار بشتك مايلحف قرابتك
صح لسانك الله يعطيك العافية علي جماليات طرحك |
رد: لاصار بشتك مايلحف قرابتك
بارك الله فيك
اشكرك جزيل الشكر على الموضوع كل الموده والتقدير |
رد: لاصار بشتك مايلحف قرابتك
شكرا على المشاركة جزاك الله خيرا ولا حرمكـ الأجر دمت برضى الله وفضله |
رد: لاصار بشتك مايلحف قرابتك
شكراً لكل من مر من هنا
وشكراً لتعقيبكم الرائع والمميز لكم مني أجمل التحايا واطيبها لاعدمتكم |
رد: لاصار بشتك مايلحف قرابتك
أخي العزيز الحمدان شكرا لك على هذا التواجد الفعال والمشاركات النافعه والمفيده فبارك الله فيك وجزاك الله خير |
الساعة الآن 11:57 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية