زمان ما ساعدونا الحظ والقسمه

وظروفنا السيئه تنهى وتامرنا

حب البراءه غدا بالريح بالعتمه

رحنا وروح وغادرنا وغادرنا

غصب(ن) قتلنا الامل والفرح والبسمه

غصب افترقنا وموتنا مشاعرنا

غصب(ن) اعدنا هدايا مالها لزمه

غصب اتفقنا وقطعنا دفاترنا

غصب(ن) علينا هدمنا حلمي وحلمه

غصب(ن) علينا بحب البعض عذرنا

اقسمت بالله مانطق لاي احد كلمه

واعطاني العهد دامه حي يذكرنا

سلمت لله طاعه لامره وحكمه

ودعيت ربي على الفرقا يصبرنا

الله ما اقسى زمان(ن) جار في ظلمه

رغم الغلا مالقينا من يقدرنا

اليوم صدفه وصلني قاصد خدمه

من دون ميعاد لا اخطرنا ولا اخبرنا

شفته ومن دون ما اشعر صحت له باسمه

قال لي نعم يا(.......) كان تذكرنا

حسيت غصه وجاني بالنفس كتمه

والصمت خيم علينا حيل واحترنا

قلبي خفق له وشرياني وقف دمه

بالدمع عبر عن احساسه وعبرنا

غاب الزمن في ثواني وانحسر يمه

والامس بعثر بلحظه كل حاضرنا

عدنا لماض(ن) سعيد(ن) وانعرض فلمه

بالذكريات الجميله فيه ذكرنا

حرفي بكفه ظهر والقلب له رسمه

وشميت عطر(ن) سبق منها وعطرنا

حاولت اشد القوى وشتاتي المه

قفزت لاحضان واقع مر مرمرنا

قضيت ما جا من اجله وانجلى همه

وللمره الثانيه وادع وغادرنا

اشكر لكم مروركم جميعا

السلام عليكم ورحمة الله وبركاته
الشكر لكم جميعا وانا سعيد ان القصيده كما اسميتموها نالت استحسانكم وعلى الاقل هذا يشجعني لنشر بعض القصائد على هذا الموقع الرائد