منتديات قبائل شمران الرسمية - وجودي على الصمان وجد الثرا للسيل

عـلى الله رجـاي ودبـرتك يـا قـوي الحيل
مقاديرك اللي منك يارب متبوعه

افـكر وتـطعن خـنجر الصبح ظهر الليل
هذا الفجر قام يداعب الكون بشموعه

قـضى الـليل وانـا والـهاوجيس حط وشيل
يومن العباد براحة النوم مصروعه

لـعل الـنهار يـمر مـا شـفت فـيه الميل
ويطوي وراه الشهر بنهاية اسبوعه

تـصبرت بـالغربه وزاد الـعنى والكيل
مواكب همومي بين الاضلاع مجموعه

تـقافت نـجوم الـقيض واقبل طلوع سهيل
بعد شهر ما احلا شوقة البر و نجوعه

وجودي على الصمان وجد الثرى للسيل
وعلى شوف بدو(ن) تتبع الغيث و رجوعه

وجـودي على اللي في القسى يذبحون الحيل
لهم نعم بين الناس تشهر و مذيوعه

صـناديد نـاس(ن)ما تـسولف بـقال وقيل
سواليفهم في صفحة المجد مطبوعه

عـليهم خـفوقي لـو تصبر يذوق الويل
يعاتب معاليق (ن) من الشوق مقطوعه

لـيا جـيتهم قـدري مـع الـعود بن وهيل
على الاحترام وكلمة الطيب مسموعه

تـنور مـجالسهم كـما واهـاج الـقنديل
بـعلم الـرجال وباق الاعلام ممنوعه

ولا غـبت قـالو راح مـن بـينا حـلحيل
اماري بـراسن هـامته فوق مرفوعه

يا زين التسابق مع هل القدر والتفضيل
وترى الصدرلو لا القدر ما حنت ضلوعه

تـمنيت شـوفتهم لـكن الـزمان بـخيل
يـمشي علينا الوقت حكمه و مشروعه

تـسابق قـصيدي لا طرولي واخاف اعيل
نوادر قصيدي في وفاهم مشت طوعه

لـهم مـنزلن بـين الـقبائل رفيع(ن) حيل
لكن المراجل بين الاحرار مطموعه

هـل الـخير فـي كل الاراضي لهم تبجيل
وهل الشر مكروهه وتلعن iiومنزوعه

الا يـا قـصيدي كان منبعك نهر النيل
ابي ازرع عليك الورد واقطف من فروعه

اسـوقك نـوارد والـمغني يـشيلك شيل
ليا ذاق من كاس الشجن يسكب دموعه

يـورخك جـيل الـيوم لـلي يـجي من جيل
تصير لعلوم مغرب الدار موسوعه

غـريب قـهر مـن بـعد ربعه سقى المنديل
(كلينكس) لعيونه ومشكاه مصنوعه

رضـى الـبعد لكن ما رضى عنهم التبديل
من الدين وسلوم العرب يلبس دروعه

عـلى سـنة الـلي مـولده كـان عام الفيل
بعيد وعروقه عند اهل نجد مزروعه

الشاعر؟؟؟