قدمي خطوه لقلبي ولغلاي





مر طيفك وابتدى يظهر خفاي
ولا وعيت الا على الجفن الندي
مرني سود النواعس ياسناي
وخدٍ مورد يعكر مرقدي
يالهنوف اللي تمادى في جفاي
لا تكفي يدّك عن مدت يدي
ما هقيت تشارك الدنيا بعناي
كنت اظن تكون ذخري و سعدي
كلي أرضٍ مجدبه وانتي سمآي
ابرقي بمزون وصلك وارعدي
قدمي خطوه لقلبي ولغلاي
والله اني لا أتقدم واعدي
ايه ابي شوفك وصدك هو شقاي
والله اني دون شوفك لا غدي


عبدالله بن داود العصيمي