يالله ياعالم ويا كاشف استار
ياخالق الدنيا وخالق مددها

رحمن يا ربي وندمع لك أنهار
حب ورجا من خالق الناس وادهى

انت الرحيم ورحمتك فوق الاقدار
ارحم من الام الحنون بولدها

يامؤمن عبادك من الخوف بالنار
نارن تلظى جيرنا من وقدها

انت المهيمن واهب الكون جبار
متكبرو متفردن في صمدها

الغالب اللي نعبدك سر واجهار
انت الغفور اغفر لمن في لحدها

قدوس ومذل العدو وانت قهار
ومعز لعبادك ومنهو حمدها


رافع عبادك للجنان اخر الدار
خافض عدوك في جهتم غمدها

ياباسطن في رحمته عيش واعمار
ياقابض وفتاح في خير يدها

يابارئ الأكوان صورت الاصوار
رازق عبيده يومها في مهدها

الواسع الحكيم والعدل غفار
الباعث الودود زدها وزدها

يسمع دبيب النمل والهمس باسرار
يبصر صدور الناس يعرف حسدها

لطيف بعباده على كل ما صار
حليم باللي غير ربه عبدها

انت الشكور وتعطي لناس قصار
ياذا الجلال عيوننا في رمدها

انت المتين الحق و النافع الضار
الاول الاخر وباقي سمدها

انت الكبير وتعبدك كل الاكبار
يامالك الاملاك محصي عددها

أنت الشهيد أنت الحكم كاتب أشبار
أقوام عاشت عالأمل مانجدها

الشاهد الحافظ عفوّن للأبرار
تخفى الخوافي غير ربك شهدها

لاضاقت الدنيا علينا ونحتار
ركعة بتالي الليل تشفي كمدها

والمدح لله والثنا قول واقرار
غيره بيوت المدح طاحت عمدها

وختامها على اطيب الخلق مختار
صلاة ربي واكثروا في رددها