منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   الأسرة السعيدة والمجتمع (http://vb.shmran.net/forumdisplay.php?f=16)
-   -   هل تفعليها لو طلبها منك زوجك ليلة الدخله (http://vb.shmran.net/showthread.php?t=2566)

قناص القلوب 11-08-2007 01:49 PM

هل تفعليها لو طلبها منك زوجك ليلة الدخله
 
لوطلبها منك زوجك ليلة الدخله ... ... ...؟؟؟!!!! !! :.


"بسم الله الرحمن الرحيم"

السلام عليكم ورحمة الله وبركاته ..

موضوع .. نقلته ..وحبيت اتناقش فيه معكمـ ..

*********************

بــداية القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو

المتصل : السلام عليك، كيف حالك يا (فلان) و ألف ألف مبروك

الزوج : وعليكم السلام وينكم يا انذال ماحضرتوا الحفل يا تعبانين

المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره

((طبعاً الديرة تبعد حوالي 300 كم))

الزوج : المهم تعشيتوا

المتصل : لا والله

الزوج : كم عددكم ؟

المتصل : عشرة

الزوج : اقولك (حرام وطلاق عشاكم الليلة عندي) قل تم

المتصل : يا ابن الحلال مايصير انت عريس جد و.. و..

المهم مافيه فايده الزوج مصر الا يتعشون عنده

الزوج : يالله انا انتظركم مع السلامه

وقفل الخط

الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع

((على بالها يبي يجيب عشاء جاهز))

بعد ربع ساعه رجع الزوج ومعه اغراض العشاء

قالت الزوجه وش ذا

قال الله يسلمك قومي سوي العشاء لزملاي في العمل جايين من بعيد ولا تعشوا

،،،وفي أثناء الحوار،،، والا الباب يدق

قال هم ذولا وصلوا يالله همه يا مره وراح عند ربعه يقهويهم....

المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها

( بكره بأرجع عند اهلي من الفجر واطلب الطلاق)

المسكينه سوت العشاء وتعشوا وراحوا لديرتهم المسكينه متضايقه


والمفاجأة ... ؟؟؟


يدخل زوجها عليها ويرمي لها (50000) خمسين ألف ريال

قال هذا حقك

قالت شو حقه

قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة

وش يكون ردة فعلك موافقه والا .. لا

وانتي من كسب الرهان وتمت ليلتهم على خير وصاروا اسعد زوجين ..


هل تفعلينها لوطلبها منك زوجك ليلة الدخله؟؟؟!!!!

وأنت أيها الزوج هل تتجرأ على مثل هذه الفعل ؟؟؟!!

في إنتظار أراء الجميع ،،


منقول
__________________

الخيال الراحل 11-08-2007 07:40 PM

حكايه سمعتها كثيرا واعجبتني فعلا هو اختبار صعب ولكن كان جميل في النهايه


والله يعطيك العافيه قناص والف شكر على نقلك الجميل واترك الاجابه لغيري

قناص القلوب 11-08-2007 11:37 PM

اقتباس:

المشاركة الأصلية كتبت بواسطة الخيال الراحل (المشاركة 24103)
حكايه سمعتها كثيرا واعجبتني فعلا هو اختبار صعب ولكن كان جميل في النهايه


والله يعطيك العافيه قناص والف شكر على نقلك الجميل واترك الاجابه لغيري


الخيال الراحل


الف شكر يالغالي ع المرور

كنت اتمنى اشوف وش رأيك ؟

علوش 11-09-2007 02:17 AM

هذا هبل واصدقائه مجانين



ولا من يضيع ليله العمر

هذي وجهة نظري

تقبل مروري

قناص القلوب 11-09-2007 07:39 PM

اقتباس:

المشاركة الأصلية كتبت بواسطة علوش (المشاركة 24388)
هذا هبل واصدقائه مجانين



ولا من يضيع ليله العمر

هذي وجهة نظري

تقبل مروري



اخي العزيز علوش

من جد هبل بس ياخوي الفلوس تغري

مرورك عطر يالغالي

المحروم 11-09-2007 08:35 PM

الله يعطيك العافيه مشكووور وما قصرت الله يجمل حالك ...
&المحروم&

دهن العود 11-10-2007 02:24 AM



يعطيك العافيه


>>>>>>>>>>>>>>انا اعرف هذا الزوجه >>>>>>>>>>>>>السالفه صحيح مئه بالمائه

وهم الحين وربي يشهد انهم اسعد 2 ويمووووووووووووت فيها

وهذا الموقف كبرها في عيونه وعيون الكل


اتمنى تكون نظرتنا دائم اكبر >>>>>>>>>>ونتصرف بحكمه ووعي مثلها

العمـــــــــــــــــــــــــــــــــــر قدامنا

لاهنت

بالنسبه لي ايه اسويها

اول شي فباااااااااااااااااااااااالي طوووووووووووووووويل ومابرده يكرم هو واصحابه وقبلته بعد اذا حب



القلم الحزين 11-10-2007 04:18 AM

http://islamroses.com/zeenah_images/slemat.gif

ريانة العود 11-10-2007 08:26 AM

شوف خيي ..

انا بعملها لانو زوجي ومن واجبي اكرم ضيوفه حتلى لو بليلة زواجنا ,,

بس الي بينرفززززززززززززززززززززني و يجنننننننننننننننننننننننني ,,

انو كيييييييييييييييييف قدر يراهن على قدام اصحابو ... والله عيييييييييب

يا كبرها عند ربي .... !!

تحياتي لك .

علي بن محمد 11-10-2007 09:22 AM

مشكووور يالغالي

انا سمعت القصة ذي وعارف تفاصيلها ميه ميه

وهي صارت بالرياض

مشكووور يالغالي

=============

وبيني وبينك ما ظنيت وحدهـ راح توافق اللحين على هذا الطلب


الساعة الآن 05:20 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية