منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   قصيده مقبول الشراري رحمه الله (http://vb.shmran.net/showthread.php?t=40487)

الحمدان 08-06-2014 02:24 AM

قصيده مقبول الشراري رحمه الله
 
قصيدة مقبول ماضي الشراري.
الذي نفذ فيه القصاص بالقريات

- - - - - - - - - - - - - - - -
لا ياهلي لا جاني الموت تكفون
لحدن يصيح وخاطره فيه حاجه

قولو مسامح كلها ايام وتجون
لابد عقب الموت يوم نتواجه

مادامها بالدور وشلون تبكون
كلن يجهز للسفر واحتياجه

الرحله الي حجزها صار مضمون
ماينفعك لو شفت عنق الزجاجه

والي يروح و تاركن خلفه ديون
غصبن يسدد ماترك في مزاجه

والي يجي والحمل طيب ومصيون
ربك كريمٍ مايخيب ملاجه

الزرع لو طوّل على الحول مدفون
وعقب المطر هبّت عليه العجاجه

من خلقت الدنيا وهي عج ومزون
يومٍ معك وايام تقرن حجاجه

واليا اقلعت رحلت حياتك عن الكون
كلن على زاده يبين خراجه

ماغير ثوبٍ ماله جيوب وردون
إما بضيق القبر والا انفراجه

دامك عرفت الدرب من وين وشلون
ترى الصلاة الي تعرفه علاجه

لايضيع عمرك مثل ماضاع فرعون
ولاتعيش في دنياك مثل الخواجه

لك يوم تمشي والبشر معك يمشون
وكلن على دربه ينور سراجه

شيهان شمران 08-06-2014 09:08 AM

رد: قصيده مقبول الشراري رحمه الله
 
قصيدة رائعة وحزينه

وكلها حكم ووعظ

شـكــ وبارك الله فيك ـــرا لك ... لك مني أجمل تحية .

حسن بن عبدالله 08-07-2014 06:53 AM

رد: قصيده مقبول الشراري رحمه الله
 
قصيده رائعه فرحم الله قائلها
واسكنه فسيح جناته

شكرآ اخي الحمدان على نقلك المميز

الحمدان 08-09-2014 03:27 AM

رد: قصيده مقبول الشراري رحمه الله
 
شكراً لكم وبارك الله فيكم
ورحم الله الشاعر فقد أجاد وابدع


الساعة الآن 02:10 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية