من طيب حظك
 

من طيب حظك طحتي بأيد رجال
لا شاف عيب انسان غمض عيونه

رجال ماغنى على كل موال
لوخيبت سود الليالي ظنونه

الله عطاه من الخصال أجمل خصال
يبطون فيك الناس مايلحقونه

مايلتفت للشك والقيل والقال
دون الكلام الشين سكر أذونه

رجال لكن عن ثمانين رجال
يضحك وتضحك عالخلايق جنونه

اليا وقف لك وقفته وقفت جبال
واليا قعد شال السما في متونه

واليا تعزوا معرب العم والخال
سالت على روس القبايل مزونه

يابنت ياللي كل مافيك يختال
شوفي مواريه وشوفي طعونه

عزت عليه الحال مايشكي الحال
بكى سواد الليل واضحك سنونه

العام كان بحال واليوم في حال
روس تقوم وروس تطيح دونه

وتأكدي ماكل رجال لاقال
غاب أو حضر بالكايده يذكرونه

غاليك شمس وباقي العالم ظلال
لو غاب لحظه كلهم يذكرونه

ناس رفعها للسما وصارت ابطال
وصاروا على كل اتجاه يجونه

مالوا ولكن الزمن فيه مامال
يعني بصريح القول ناس يبونه

لو خانته نفسه على كسر الانذال
وقت الشدايد عزته ماتخونه

ماعنده أي اشكال لو بعض الاشكال
تاكل معاه وبالظهر يطعنونه

لان الجبال جبال في وجه الاهوال
والحر يبقى حر.. لو يسجنونه

روحي ولو ليل الشقا بناظرك طال
تأكدي انك وحيده بدونه

وياعين عزي دمعك الخير بقبال
وش خانت الرجال تبكي عيونه


د .. الشاعر حمود الجلوي

رد: من طيب حظك
 

رد: من طيب حظك
 

رد: من طيب حظك
 

رد: من طيب حظك
 

هلا بالاخت بالغاليه
ريحانة الطيب
هذه العيّنه موجوده واعرفهم
الدنيا لاتزال بخير الحمد لله
تحياتي وتقديري لك 🌹
شكرا لك على تواجدك بمتصفحي
واضافاتك الجميله لاعدمتك
مع أجمل التحايا والتقدير

رد: من طيب حظك
 

هلا بالاخت بالغاليه شمرانية الروح
شكرا لك على تعقيبك الرائع والمميز
وتواجدك المستمر بمتصفحي
لك مني أجمل تحيه وتقدير لاعدمتك

رد: من طيب حظك
 

ألاخت الغاليه نسيم الليل
شكرا لك على الإطراء والكلام الحلو
لله درك يالغاليه مشاعر من ذهب
ابشري بالخير لايزال لدي مزيد
ارجو ان تكوني بأحسن حال دائماً
لك مني 🌹🌹🌹🌹🌹🌹🌹