|
(( خاطرة أبـكت اكثر من 500 شخص ))؟؟
خاطرة ابكت اكثر من 500 شخص قرأتها فأعجبتني وأثرت في نفسي كثيرا وأحببت أن تشاركوني بها وهي للشاعر إياد المريسي ثقيله هالدقايق اذا كان الوجع بـ عمر ..انسان ثقيله يا ثواني هي بداية (تمر ازمان ) بغيضه يالدموع اللي على خدين طفله بعمر الورد/ وكبر الجرح حزينه يا الاماني ..ليه ؟ّ انا مدري وش اللي ماخذينه بس!! انا مدري من المسؤل ؟! عن الحصه / عن التلميذ / وآخر درس انا مدري .. انا ليه اكتب حروف اللحين ؟!! احاول أاشرح ..الحزن الدفين بثرثرات حروف وغصت عين حكاية من حرم طفله.. تحس بضحكة الاطفال.. صباح العيد حكاية (آآآآآه )..في حلق حيرتها ورجفة أيد .. وتتنهد في جدار القبرساعة كنها ظلم الليالي ..بوحشة بيد ومع أول دقايق سالفتنا .. على شارع حمل ثوب الحداد وحشرجات ..القبر .. بسرعه مر مع الوعد الذي ما قدر يوفيه مع اسماع طفله ما تعرف الحزن ! او .. كانت ما تعرف الحزن .. تغرد له بصوتها النعسان .. وتعزف أعذب الالحان .. (يبه ..عمري ..حبيبي لا تْأخر ابي ترجع قبل ما انام .. ابي اتلحف حنانكفي تصبحين بخير .. مع بوسه على خدي .. يبه وانام .. وقبل ما انسى ..يايبه اسمع .. ابي دفتر رسم أحمر وابي اقلام للتلوين .. وابي فستان مثل لون الشموس اصفر .. وابيك انته ..تلبسني .. تحمل يا يبه ارجوك .. تمهل يا يبه ارجوك .. شوي /// شوي ) وكان آخر ..وصاياها .. وعلى غفله تهور .. مع سرعة بدون حساب .. ينادي هالرصيف الموت .. ينادي له ..تعال تعال تعال تعال.. وانتهت قصةعمر ..انسان وابتدت حيرة..يتيمه .. ما اكملت عامها التاسع .. يضيق بدمعها .. صمت الشبابيك.. الكئيبه .. على الجدران .. تحاول تنحر اجابة هالسؤال اللي تفجر في قصيدة حزن بلا..عنوان .. (يبه وينك؟! تعبت انتطر .. تعبت أتخيل ايدينك .. يبه وينك تعبت أسأل زوايا البيت .. تعبت أسأل ثوبك المكوي تعبت آشم عطرك واحضن غيابك .. تعبت اكذب على دمعي وارتب عيني وثيابك يبه وينك؟! الف الدار ..واتذكر . هنا ..يمشي هنا يجلس .. هنا يضحك .. هنا كنا على شانه نجي نسهر .. يبه وينك .. ويقطع حزن هالافكار .. باب الدار واصيح بصوت واتحشرج .. منو بالباب ؟!..منو اللي دق هذا الباب؟! انا مابي لعب ..واقلام انا مابي هدايا انا ما ابي اشوف اصحاب .. يبه وينك ؟! يبه .. يرضيك حالي اللحين ؟! كرهت المدرسه والدرس .. ولا حد فيني حس تذكرني بغيابك شهاداتي .. معلمتي وباب المدرسه والدرس اصحابي وعلاماتي .. يبه وينك ؟! كلامي يا يبه حارق كلامي مر وانا اقرا في الدفاتر هنا .. (يوقع ولي الامر) من اللي فرحتي تتكحل بعينه ؟! وضحكاته يبه ..وينك ..؟! نجحت ..وتختنق فرحه وسط صدري .. تجيني الناس وتبارك . وهذا الحزن بي حارث .. ولا تدري باني يتيمه .. والسبب حادث.. ) وبدت تذرف دموع تشق صدر الليل سواده حيل يشبه له شعرها .. يشبه له غيابالاب.. غايبه .. ما وراه غياب.. ولا يمكن يعوضه .. القريب / الاخ / والاصحاب ثقيله هالدقايق اذا كان الوجع..بـ عمر ..انسان بغيضه يالدموع اللي على خدين طفله بعمر الورد حزينه يا الاماني ..ليه ؟ّ حزينه يا الاماني ..ليه ؟ّ أختكم المحبة/ بقايا روووح |
ثقيله هالدقايق
اذا كان الوجع..بـ عمر ..انسان بغيضه يالدموع اللي على خدين طفله بعمر الورد جميلة جدا أختي الكريمة بقايا روووح تؤثر في النفوس تأثيرا عميقا وتدمع العين بارك الله فيك وننتظر جديدك تحياتي واحترامي |
غايبه .. ما وراه غياب.. ولا يمكن يعوضه .. القريب / الاخ / والاصحاب ثقيله هالدقايق اختي بقا روح اقف احترام لمواضيعك البناءه بما فيها من نصائح يعطيك العافيه |
خواطر فعلا رائعة ومدوية
والاماني حزينة ......؟ |
|
الف الدار ..واتذكر .
هنا ..يمشي هنا يجلس .. هنا يضحك .. هنا كنا على شانه نجي نسهر .. يبه وينك . ابكيتنا يعطيكي العافيه اختي بقايا روووح لاهنتي يالغاليه على ها النقل الجمييل |
اقتباس:
الأجمل هو تواجدك أخي الكريم وبارك الله فيك أسعدني مرورك حيـــــــــــاك الرحمن |
اقتباس:
ولك احترامي أخي الكريم حيـــــــاك الرحمن |
اقتباس:
الرائع هو مرورك أخي الكريم حيــــــــاك الرحمن |
اقتباس:
الشكر لمرورك أخي الكريم أسعدني مرورك حيـــــــــــاك الرحمن |
| الساعة الآن 10:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية
