يقولون مال العبد
 

يقولـون ماللعبـد بـد عـن المقـسـوم
وانا اقول صح ويقنـع العبـد مقسومـه

عسى الله يعين اللي توافد عليـه همـوم
همومن تخلـي طبلـة الـراس منجومـه

تـرى والله انـه مايكـدر عليـك النـوم
سوى كلمة من بعض الاصحاب مسمومـه

اذاجت من الغاليـن ولا الرخـوم رخـوم
ولا امحق من الغالي اليا شانـت علومـه

ضعاف الروابع تبتلـش والقـروم تشـوم
ولاهيب لا شامت مـن الشيـن مليومـه

ولا الزين من القاع الخلا والوجيه سلـوم
ولا رفقـتٍ مـع طـول الايـام ملغومـه

ولا الذ من عشرة شريفن من اقصى القوم
يبادلـك فعـل الطيـب معنـاه وسلومـه

واذاشفت في جو الصداقه غبش وغيـوم
عطيت الدروب اللي مع الارض مرسومـه

ولامثل عز النفس لـو مامعـك مطعـوم
وعن اهل الشماته خل الاسـرار مكتومـه

معي لوسمحت شوي عقب عـداك اللـوم
ابعطيك عـن بعـض الرياجيـل معلومـه

ترى اللاش لو وقف معك في حياته يـوم
تشوف الردى متبيـن فيـه مـن يومـه

وانا اقول لوان في وجيه الرخوم وسـوم
عرفنـا نميـز قيمـة النـذل بوسـومـه

على شان نجلس مع رجال الوفـا ونقـوم
ونبعد من اللي عنـد الاجـواد مذمومـه

وانا اسمع مع اهل التجربه في الحياة علوم
بعضها صحيح وبعض الاخبـار موهومـه

يقولـون وكـر الحـر مايعتليـه البـوم
وانا اشوف عيني وكر حر تحـت بومـه

الشاعر ... راجح العجمي

رد: يقولون مال العبد
 

بارك الله فيييك

رد: يقولون مال العبد
 

أخي الغالي بكر علي
أشكرك لتعقيبك وتواجد
لك أجمل تحية وتقدير

رد: يقولون مال العبد
 

رد: يقولون مال العبد
 

رد: يقولون مال العبد
 

أخى الحمدان

صح السان الشاعر /// راجح العجمي
قصيدة رائعه كروعتك تسلم يمينك ويسلم
هالاحساس المرهف بإنتظار الجديد
و الرائع من عذب مشاعرك

رد: يقولون مال العبد
 

أخي الغالي ابو تركي
أشكرك لتعقيبك وتواجد
لك أجمل تحية وتقدير

رد: يقولون مال العبد
 

أخي الغالي شبح الشمال
أشكرك لتعقيبك وتواجد
لك أجمل تحية وتقدير