منتديات قبائل شمران الرسمية

سيف الخيانه

لهنانه وبعد ما أمشي خطوه وياك
ومن گليبي آخذ لو ردت ثاري

جامي المنكسر وانت الشمرت حجار
بس آنه الغشيم انطيتك حجاري

وسلمتك غلط رگبة حياتي اوتار
ومعزوفة وفه تمنتك اشعاري

جبت سيف الخيانه تريد تعزف ليش ؟؟
ما حسبت عزفك يگطع اوتاري

عفت يوسف اسراري ابيرك وضميت
وآنه الأمنت ما تطلع اخباري

ودله دلو الشماته وها الف يا حيف
يوسف ما طلع بس طلعت اسراري

المات من العطش شله بعد بالماي؟
ونه موت العطاشه بريگي حسيته

ونته اصل العطش بس جنت اشوفك غيم
وبحر الوفه گليبي وهيج ربيته

ويتبخر يجيلك جي يشوفك غيم
ويصعدلك جرح والآه ساريته

ونته الصدگت برگة حجي الشمات
وگلبي بلا مطر عالگاع ذبيته

مو زاد وملح.. صدر وعجز وياك
شاعر للآسف خلاك قافيته

وعله بيت القصيده ودخلك عنوان
ما وگفت بعينك دخلك بيته !!!!

جايب نص عذر وتريد اقبلك بي ؟
ويا ريته صدگ والله يا ريته

انه جناحك جنت بس خاطر انت تطير
وبجناحك غدر لجناح گصيته

لجن ها راح اعلّي وانت راح تطيح
مو بالريش يعله ابن آدم بصيته

وذا عن الجرح متشوفه جرحي سنين
لأن مو بالخجل بالملح غطيته
لأن مو بالخجل بالملح شديته

سيف الخيانة....بقلم الشاعر احمد هندي
منقلول لعيوك
--------------------------------------
كلمات لم اقوى الرد عليها ربما لملامستها لجروح قديمه فالخيانه مره .. سواء كانت خيانة حبيب ام قريب .. خيانة اهل ام اصحاب .. سيف الخيانه يقتل وليته يجرح ...