ياطير
 

ياطير ياطير ياطير السعد يا للي ترف الجناح
لا واهـنـيــك ليا ضاقت عـلـيــك الأرض خلـيـتـهـا

وإن رحت وإن جيت ياطيرالسعدتسبق هبوب الرياح
وأظـن مافيه ديره فوق وجه الأرض ما جيتـهـا

ما نته بمثلي تجي وتروح ما يصعب عليك المـراح
لكن ياليت جـنحـانـك معيي يـاطــيــر يـالـيـتـهـا

كله على شـان ازور اللي رماني بالعنا واستراح
اللي على شانها الاقدام عـنـتـنـي وعنـيـتـهـا

في ماض الأيام أشوفه قدم عيني فالمسا والصباح
واليوم حتى العلوم اللي تجيني عنه ما أوحيتها

وليا نشدت العرب ماحدن يعلمني عنه وين راح
وأتعبت نفسي وبالنشدة كثيرالناس بذيتها

لاواوجودي على شوفك ولو مره ياظبي البراح
ياللي على شانك العبره على الخدين هليتها

يابو عيونٍ هدبها يزرق العشاق زرق الرماح
ذبحت روحي على كفك برمش العين واحييتها


الشاعر .. حبيب العازمي

رد: ياطير
 

رائعه جدا وأصبحت محفوظة في ذاكرة الكثير

رد: ياطير
 

رد: ياطير
 

رد: ياطير
 

رد: ياطير
 

اشكركم على تعقيبكم الرائع
وتواجدكم بمتصفحي لاعدمتكم
لكم مني أجمل التحايا واطيبها