تلقاه يجمح مع ديار الشيابين
 

ويحي عن اللي ما معه موتر زين=====الى طرا له غالي ليه مذخور
الجيب ودي به ونفسي تمنين======لكن كيف اشريه والحال مستور
يازين مسرى الليل قبل المواذين===على ابيض(ن) فكسار بالطيب مخبور
الى تفرقع مثل خطوى الشياهين===اللي يموت ومايعّود على السور
من الجبيل أم الصبخ والدخاخين====متنحر(ن) بيشة على شأن مذكور
لاعودوا من الصلاة المصلين====وستر الدجى منشق من بزغة النور
تلقاه يجمح مع ديار الشيابين=====تقول خلفه قوم والجيب مذعور
وعلى يمينك هزري، وهزري يمين===يعني بعد فيها بعد خوة اهزور
وبعد الضهر بشوي بين الصلاتين====حوّل على بيشة مع ريع جمعور
وقلط على الثنية وسلم على اثنين====أمه وبوه وراح منهم على الفور
انتوا تعرفون الهوى والمحبين=====وأنا ما جيت الا على شأن غندور
ودي اشوفه شوفة العين للعين======الا الحقيقة شوفة صدور لصدور
واعلمه عن مرّة البعد والبين===في الشاعر اللي كله احساس وشعور
وان كان له في ذمتي حاجة ودين======اسدده واقول يازين مشكور
وانكان لي ديون في ذمة الزين======اطرح ديوني عنه واقول معذور
يالفتنه اللي طاولتني من سنين===ياللي حروف اسمك نسيج من النور
يا اجمل حديقة يا اريج البساتين=====يا احسن حديقة كلها ورد وزهور
ياللي شذى وردك كأنه ينادين======ود العبق، من صدري ايجيه عصفور
تدرين باللي صار والا ما تدرين========بعد الفراق اللي له ايام وشهور
ورا عيوني دمعة ودّها تبين=======واقعد واقوم وخاطري منك مكسور
لأني احبك جد وانتي تعرفين==========ولا اصدق فيك ولا اقبل الشور
ليتك على صوتي وشوفي تحنين======كما تحن البل على صوت مقهور
الوصل حبل وجرهد البعد سكين====وبيني وبينك جرهد وجرهد وطور

ماشاء الله عليك سلمت انا ملك يا الاكلبي

اشهد انك مبدع دائما لافض فوك

ابو معاذ الغضنفر الاكلبي
السلام عليكم ورحمة الله وبركاته
الله يحقق امانيك اعشان نشوفك تأتي كما تأتي الرياح عبر نقطة جمعور وتنزل علينا ضيفا ببيشه ومن ثم تسير الى الثنيه لتصيغ لنا من هناك القصائد الجميله عند معانقة الاهل والاحبه
قصيده جميله جزله من شاعر طالما امتعنا بما يمتلك من مفردات لم تتلوث بمتغيرات العصر التي نحتت اللغه الاصيله وشوهت منابعها
اخي العزيز جميل التدرج في القصيده والقوافي الرنانه والسبك للابيات
وفقك الله وننتظر الجديد
اخوك
ناظم الهمسات

قصيدة رائعة
سلمت وسلمت اناملك

تحيتي لك

ابوسيما

استاذي الأخ/ عبد الله علي بركي

شهادة اعتز بها ---جمل الله حالك

بو بو

شهادة اعتز بها ولاهنت

الأخ الكريم /ناظم الهمسات


الابداع في ذوقك أنت

واشكر لطفك ودعوتك لي


والطيب(ما) نستغربه من هل الطيب -------------------------------- اللي لهم في منهج الطيب خبره


على حد قول الشاعر/محمد بن سياف الصاري الأكلبي في هذا البيت المشهور