|
زفــــــــــــــــــوها قدامي وانا العين تبكيه
مشاركتي لاول مره عبارة عن قصيدتين الأولى كتبها رجل يوم زواج حبيبته
والثانية بالعكس بعد ما تقرءون كلا القصيدتين ودي كل عضو يقول أي قصيدة أقوى و أصدق ؟؟؟ واي الموقفين أصعب؟؟؟؟ من يتألم أكثر؟؟؟؟ الرجل لما يفقد حبيبته ؟؟ أو المرأة؟؟؟ أبد .. ما جيت ابارك ولكن جيـت باوصّيـك على الله ناوي ٍ تدخل بهـا الليلـه .. مُعذّبْتـي ترى لولا الظروف اللي عطتْك وحدّت محاكيك قسم بالله ما تدخل عليهـا لـو علـى رْقبْتـي ولكنّ النصيب اقوى ولا ادري ويش اسوّي فيك نعم .. صارت معزّبتك .. ولا صارت معزّبْتي كذا شاءت بنا الأقدار تحرمني لجـل تعطيـك كذا لازم عشان تفوز إنت .. أخسر بتجربْتـي تراها غاليه جـداً .. وتكفـى .. والله يخليـك تـدللها .. تدلعهـا .. تنسّيـهـا مصاحبْـتـي أنا من كثر ما اغليها أحس اني بديـت اغليـك ولا تسـأل بأيّـة حـق ولا ّ وش مناسبْـتـي لإنك لو بتسألني بتسمع شـيء مـا يرضيـك لذا ياخـوي لا تسـأل ولا تسمـع لأجوبْتـي أبيك تحطها في داخل عيونـك وبيـن ايديـك وهي دلوعه اعتـادت علـى كثـرة مداعبْتـي فداعبها شوي شـوي حتـى تشتهـي طاريـك وشاغبها إلين تقـول لـك: بطّـل مشاغبْتـي واذا هي مالها خلقك..ولا تضحك ولا تسلّيـك تحمّلها وإسألهـا: يـا عمـري ليـه عصّبْتـي وبالك اسمع انّك يوم تضربها وهـي تشكيـك ما يحتاج اورّي لك بفـن الضـرب موهبْتـي صحيح انك بتملكها ومعـك الصـك بالتمليـك وانا عارف حدود الله ومـن حقـك معاقبْتـي ولكن قلّها المجنـون وصّانـي وهـو يعنيـك يقول انّـه بينتظـرك ولـو شيّـب وشيّبْتـي وانا مجنونها اللي ما نساها وانت مـا يمديـك تغطّي ذكرياتي في هواها.. وربْـع تجربْتـي أحس اني تماديت بكلامي.. والغضب حاديـك ولو انّك في مكاني ما تفكّـر فـي محاسبْتـي كفاك اني تركت الليله اشغالي عشـان اجيـك دخلت القاعه برجلي ولا ادري ويش عاقبْتـي وانا ما جيت اخرّب عرسك الليلـه ولا أذّيـك أنا جيتك عشان اخاطبـك واسمـع مخاطبْتـي توصّى..وانتبه..واحرص عليهـا والله يهنّيـك ترى كل الكلام اللي طلَع من ضيقـيَ وكبْتـي ولكن ما قدرت انّي أقوله وانـت مـا يخفيـك أخاف انّـي إذا قلتـه تقـوم وتقطـع رْقبْتـي القصيدة الثانية زفوه قدامي وانـا العيـن تبكيـه زفوه للـي حكمهـا بنـت عمـه زفوه قدامي وانـا القلـب يشكيـه وشلون خان اللي غرامـه بدمـه اقبل عليها يحضن البنـت بيديـه وانا اذوق الموت مع كـل ضمـه فرحانه امه فـي نظرهـا تراعيـه وانا اصيح المـوت للقلـب يمـه وشلون قفى حبي اليـوم ناسيـه وشلون ذوقني مـن الغـدر سمـه ياقلب خانك وانت ياقلـب شاريـه ياكيف بعض الناس مافيـه ذمـه وشلون خانك وانت بالـدم تفديـه وتفـز مـع كلمـة احبـك بفمـه جيت لزواجه يوم الاشواق ترجيـه وادري زواجه غصب عني بيتمـه اكذب على نفسي وانا قول مابيـه واضحك وانا اللي يطعن القلب همه لكن عجزت اكتـم دمـوعٍ تناديـه وهو جالس ايسولف على بنت عمه مؤلمه ومؤثره ومحزنـــــــــــــــــــه |
الله يعطيك العافية على المشاركة لكن الرد غير موجود مؤقتا
تحايتي للجميع |
بصراحه ......
رجفت يداي .... وتذكرت لحظات ...ابدا لن انساها الله يستر على اللي راحوا ومادامهم مبسوطين حنا بعد مبسوطين لأجلهم مشكوره على القصائد اللاكثر من راااااااااااائعه ((قصة نايف وعذبة الشفايف)) ((اللهم كما تفرقنا خوف معصيتك....فأجمعنا في الأخرة في جنتك)) |
الشمــ07راني
الله يعافيك اخوي سعدت بتواجدك لاعدمتك طلتك .......................... قصة نايف وعذبة الشفايف الاروع تواجدك سيدي والله يسعدك يارب ان لم يكن لنا لقاء في الدنيا ففي دار القرار لاعدمت طلتك |
القصيده االاولى والثانيه كلها رائعه
بس الاولى فيها قوه وعقلانيه وحب جاااارف !!!!!!!! |
الف شكر يالغاليه
|
الله على هذا الكلام الراااااائع
شعور واحساس يهد الحيل ويحرك الوجدان والحنين الى الماضي ماأجمل هذا البيت أبيك تحطها في داخل عيونـك وبيـن ايديـك وهي دلوعه اعتـادت علـى كثـرة مداعبْتـي فبعد رحيلها بقي الحب يلعب دوره ويوصي القلب من أخذ معذبته اكذب على نفسي وانا قول مابيـه واضحك وانا اللي يطعن القلب همه هذا ما يحصل عندما تحب شخصا ولا تستطيع أنا تفعل شيئا حيال هذا الحب فتأتي مرحلة الكذب على النفس الله عليك أختي على هذه الأبيات وبصراحة كلها صعبة وما راح يحس فيها الا اللي جرب هذه اللحظات وما أصعبها من لحظات تحياتي واحترامي لك (((لو بيدي شي لو الود ودي مايصير الوقت والأيام ضدي)))) سلطان |
اولا شكرا على الكلام الحلو المؤثر بصراحة جداجدا مؤثر
لكن لاتعليق لايوجد لدي رد مناسب لكي اخجلتني بكلامك وتعبيرك حيث اني لم استطيع الرد عليكي اعذريني على التقصير والله لايحرمنا منكي((غموض انثى)) تقبلي مروري دمت بود طموحي خيالي |
| الساعة الآن 11:36 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية