شعر .
 

في كل لحظه نمسح أرقام غالين
احدن خذاه الموت وأحدن نسانا
والوقت مايمشي بحسب القوانين
يمشي على عسر الليالِ ووطانا
كم من عزيزن فاقدينه له اسنين
قفت به ايام الليالِ وجفانا. وكم من عزيزن ندفنه بين قبرين
قبر الفراق وقبر دمعه حدانا
الله من دنيا تسارع على الشين
فرت علينا لين باحت خفانا
لين افترق جمع الرجال المسمّين
الي لهم في قمه المجد شانا
غير المفارق ماجنينا بساتين
ولا جت لنا الدنيا على مشتهانا
غي رالتعاسه سابقه دمعة العين
تكتب على وجيه الليالي عنانا
والوقت مشانا على حد سكين
نبغاء نروم وثم قصرت اخطانا
وقتن تغير فيه حتى الرياحين
حتى الليالي بالفراق اتحدانا
نمشي وحنا نضرب ايسار بيمين
ونشوف الزمن بوجيه الاجواد شانا
والعبد عمره يوم ولا ثمانين
لابد مابه يوم يسمع عزانا
والله يصبرنا بفقد المحبين
اللي بعدهم قام يظلم سمانا
اهل السطر ننثرلهم دمعة العين
لو المنايا مقبله من ورانا
والوقت شيبنا وحنا صغيرين
ونشرب وعيا لا يفارق ضمانا
ولوالحزن يرسم بوجه المصابين
شفتو بوجهي مايبيح خفانا
ولو نكتم العبره ماودنا تبين
عيت دموع العين تسمع نبانا
ويالله يلي خالق الناس من طين
تحسن خواتمنا ليا جاء منتهانا

رد: شعر .
 

حكم وشعر رائع

سلمت أبا سعد

شـكــ وبارك الله فيك ـــرا لك ... لك مني أجمل تحية .

رد: شعر .
 

رد: شعر .