|
بعد مئات السنين تنقلب الايه يصبح للرجل محرم ...!
السلام عليكم ورحمة الله وبركاته نعم في عهد الرسول والخلفاء الراشدين والامويين والعباسيين كان للمرأه محرم ون ثم اتا هاذا الزمن ويصبح للرجل محرم كيف ولماذا لا ادري انا بدخل في الموضوع ومارح اطول الان لابد من الرجال ان يأتي بزوجته او اخته او امه ايا كانت المهم انها مرأه ليش عشان يدخل السوق يعني المرأه تروح وترجع براحتها والرجال لازم انه يجي بمحرمه اللي هي المرأه الانظمه اللي في بلدنا اصبحت تعاكس الشرع وكل هاذي الانظمه في وجة نظري لا تفيد خلونا نفكر الان ونقول انه تعدل النظام وانه اذا جت الحرمه تبغا السوق تكلم زوجها او اخوها اهم شئ محرم لانه اذا راحت مع محرمها صعب ان الرجال يتعرضها الا اللي ماهمه او مافكر في اللي معه هاذي مشكله ثانيه ولحالها لكن ان كان يهمه امر اللي معه مستحيل انه احد بيقد يتعرض لها او حتى يكلمه لكن خلونا نفكر شوي اللحين المرأه تروح وترجع براحتها ولا احد يقول ممنوع طيب شئ حلو لكن كلنا نعرف انه في ناس مايحتاجلها انه يجي احد ويدخلها السوق طيب الان لو تعرض اي واحد منهم لاختك او لامك من بيدافع عنهم او بيرد على هاذا كذا اللي من جد حطوا لنا الانظمه هاذي عشان يحمون الحريم من التعرض وغيره يطبق النظام ذا ويشوف كيف يقل نسبة التعرض هاذا لانه اذا طبق النظام البنت او الحرمه تبغى تروح بتستاذن من ولي امرها اللحين بتقوله بروح السوق وتروح اي مكان تبغاه لكن لو النظام مطبق لا ياحبيبي تبغا تروح السوق لازم انا معها يعني النظام بيفكنا من اشياء كثيره على العموم الموضوع مطروح للنقاش وهي وجهة نظر لا غير بقلم: عبدالعزيز الساهري |
رد: بعد مئات السنين تنقلب الايه يصبح للرجل محرم ...!
انا اخالفك اخي عبدالعزيز النظام يسعى للحفاظ على عدم التعرض للمرأه عفوا كيف النظام يخالف الشرع ؟؟ هل النظام يقول ممنوع الا تأتي مع اختك او امك او قريبتك ؟؟ باستطاعتك أن تذهب مع امك او اختك دون أن يجبرك أحد على ذلك هناك كثير من النساء ليس لديهم أحد قادر للذهاب معاهم لماذا الأجبار على ذلك ؟ لكن سبب منع الرجل دخوله دون مرأه يعود للتقليل من الاعتراض للنساء أي نعم ليس كل الرجال سيعترضون للنساء لكن هناك نسبه كبيره أن أرى هذه السيايه المثلى ولكن لابد وجود وقت لدخول الرجال لكي يحصلوا على مشاغلهم وجهة نظري |
رد: بعد مئات السنين تنقلب الايه يصبح للرجل محرم ...!
اخالفك يانواف فالامر يكون بان تخرج المراة بمحرم لا رجل بمحرم وواضحة الحين ابي اروح السوق عشان اشتري لي عطر مثلا اروح اقش حريم البيت كلهم وان دخلوا الحريم السوق هي طلعهم مناك لانها فسحت بصراحة
لكن كمان احسها صعبه ماتخش الحرمة السوق الابمحرم لان فيه ناس واجد ماهم معطين اهلهم وجه وش ذنبهم يعني اخالفك في ياعزوز انا اشوف ان منع الشباب من الدخول للاسواق يكون في اوقات معينه من اليوم والافضل وضع اسواق نسائية خاصة حتى الباعه حريم فيها وجهة نظر |
رد: بعد مئات السنين تنقلب الايه يصبح للرجل محرم ...!
اشكرك يانواف انت وابو صالح وجهة نظركم على العين والراس لكن لو فكر الواحد انه في بعض الناس مسموح
لهم كل ممنوع يعني يقدرون يدخلون السوق لو قلنا ان اختك او امك في السوق وجا واحد مو مع اهله وكلم اختك حتى لو اختك شرفها زي المنديل ماتخاف عليها لكن البنت ماتقدر تدافع عن نفسها لكن لو قلنا لازم الحرمه معها محرم خلاص كذا تقدر تدافع عن اختك وتحل المشاكل اللي اللحين صايره على العموم وجهات نظر واختلاف الرأي لا يفسد من الود قضيه |
| الساعة الآن 03:49 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية