منتديات قبائل شمران الرسمية - ياســــــــــر وينه........؟

- الرياضة والرياضيين (http://vb.shmran.net/forumdisplay.php?f=17)

- - ياســــــــــر وينه........؟ (http://vb.shmran.net/showthread.php?t=17227)

ياســــــــــر وينه........؟

ياسر وينه....قصيده....سليمان الشدوي

---------------------------------------------------------------

ياللي / سألتم ياسر اليوم وينه ؟
اجيبكم / واقول : وين البطل/ وين؟

ياسر هنا / عند العقول الرزينه
ولا يحسّب/ للخبول المجانين

ياسر مع الأمجاد يقضي سنينه
ياسر هناك / يطوف كل الميادين

ياسر / يثمن /بالكنوز الثمينه
معدن ذهب عيار واحد وعشرين

عند الذي هم بالوفا منصفينه
ياسر مكانه / داخل القلب والعين

ابن الوطن / وان صار للجد حينه
يهدي البشاير للوطن / والملايين

موجود ياسر فوق ظهر السفينه
ربان يحكمها / من يسار ويمين

في الكاس كاس العالم / وخابرينه
وفي اسيا حيّر جميع العناوين

هذا الفتى المغوار / تسلم يمينه
لبس لباس الفخر : حٌله وتاجين

لوترفعون الصوت يا ظالمينه
وتتوحدوا في صف /ماهوبصفين

لكم هدف لكن / ماتوصلونه
مادام حجتكم / بليا براهين

غنوا / وحنا كل شي حاسبينه
ونعم بياسر ثم ونعم / ونعمين

وشباككم صارت لرجله رهينه
يعتادها / في كل / شهرً وشهرين

أحلامكم من بعد ياسر سجينه
وأفراحكم / ابعد من الهند والصين

من جهلكم / واحقادكم / والضغينه
قامت / تلاعبكم / قرون الشياطين

كلامكم / ياكم لنا سامعينه
لكن صعبه / توصل العرض والدين
والكذب / صورتوه / ومصدقينه
مابه ضحيّه / لاتحدوا السكاكين

انتم ضحيه للفقر والغبينه
والله يستر حالكم / يامساكين

واللي يوجهكم / عسى الله يعينه
لابد ياتي يوم/ يقضي به الدين

لو الامانه / في ايادي امينه
ماحلت البومه / بوكر الشياهين

والخاتمه / ياهل العقول الذهينه
لاتظلمون الصقر راعي الجناحين

خلو نظركم / في مدى لمح عينه
وخلو/ الشتايم / في حلوق البزارين

والا الكلام / يمر / شينه / وزينه
ويبقى الكلام الزين / ويغادرالشين

ويبقى على مر الزمان وسنينه
ياسر : قصيده في قلوب المحبين

انتظــــــــــــر ردووودكم http://69.162.74.101/~bs6tbnat/vb/im...DP_Stealer.gif http://69.162.74.101/~bs6tbnat/vb/im...lies/paint.gif