منتديات قبائل شمران الرسمية - كـم لحـيـتـن تـدفـع ضـريـبة غـباهـا ؟ وكـم بــنـدقــن مـاثــار مـنـهـا طــلـقـهـا

- المنقولات الأدبية (http://vb.shmran.net/forumdisplay.php?f=153)

كـم لحـيـتـن تـدفـع ضـريـبة غـباهـا ؟ وكـم بــنـدقــن مـاثــار مـنـهـا طــلـقـهـا

لا باس ياروحً شكـت ماوطاهـا
ولا باس ياعيـنً تزايـد غرقهـا
هلت دمـوع الصـد لامنتهاهـا
سبة وليفه يـوم قلبـه عشقهـا
لو أن نفس الشخص تلحق مناها
ماكان هاجوس الضماير حرقهـا
ياصاحبي مـادام عكّـر سماهـا
وشمسه من الهجران غّيب شفقها
جنّب طريق الغادره لـو غلاهـا
يْصِحّيك من غالي منامك وفقهـا
والجربا اللي حان موعد أطلاهـا
لو تنطلي عرق الجرب ماعتقهـا
ماحركت شم الرواسـي هواهـا
والمعجزه حنـا لهـا ونعشقهـا
والتايه اللـي صيدتـه مالقاهـا
فرقاه قبل الشمس يبدي شعقهـا
سقت الهدايا من المهار ونساهـا
ملك المشاعر بالفكـر ماسرقهـا
بعض العرب تطرف عيونه يداها
يقوله اللـي كـل سكـه طرقهـا
لو طالت السكه وراهـا وراهـا
والناس عز أنفوسها من عرقهـا
كم لحيتن تدفع ضريبـة غباهـا
وكم بندقن ماثـار منهـا طلقهـا
وكم شامخه هزت أرجال بحلاهـا
أنفاسها ريـح الخزامـى عبقهـا
يفداك نبض أعماقها مـن غلاهـا
حرفً عشق رؤس الطوال وسلقها
خسران دّوار المكاسـب معاهـا
مدام رأس المـال خِـرم حلقهـا
من دار خمـلأت الرفاقـه لقاهـا
ومن صاد له صيده تيّدم مرقهـا
الصدق ضاع مْن البشر وش بلاها
يهد صدر السالفـه مـن شنقهـا
ناسً تذيّر مـن خلاهـا بخلاهـا
ماتسمـع الا شهقتـه لاشهقهـا
وكان المعاني ماوصل مستواهـا
ينهـج يـدوّر ملـةٍ يعتنقـهـا

الشاعر : منصور