هذي كمالة هذرنا الأول إلي كرشنا المنتدى ولا خلانا نكمله حسبي الله عليه http://www.shmran.net/vb/images/smilies/038.gif
لكن قبل الهذره ، أبعتذر من الربع إلي ردو في الموضوع الأول ولا رديت عليهم http://www.shmran.net/vb/images/smilies/060.gif تراني جيت أبرد يالربع وكرشوني المعزبين والمعزبات http://www.shmran.net/vb/images/smilies/grins.gif وخصوصا المعزبات http://www.shmran.net/vb/images/smilies/grins.gif قالوا تبي ترفع الموضوع وهو قديم ،، من زينك أنت وردك ،، اركد لا نلحط في الحاير ، قلت سمو الأمر سهل http://www.shmran.net/vb/images/smilies/rose.gif
الشاهد يمال العافيه كل إلي ردوا والسموحة منكم وعلى ماقيل إلي في الخاطر يسد http://www.shmran.net/vb/images/smilies/grins.gif
---------------------
ضاق الصدر عقب صفقة السيارات وقعدت لي كم شهر مغير أدربي راسي إما شريت جوال وبعته بمكسب 100 وإلا خذت تمر أبوي وكبسته له في المصانع وكيسته وخذت لي ربح ريالين في الكيس http://www.shmran.net/vb/images/smilies/grins.gif
هاك اليوم طالعن عقب الفجر وأشوف هاك الفوال إلي يحبه قلبك لوحته أصفر وبرتقالي واسمه عيون المها للفول http://www.shmran.net/vb/images/smilies/grins.gif وأنا إلي أطلب تاوه ومقلقل لحم http://www.shmran.net/vb/images/smilies/rolleyes.gif وأشوف هالعالم مغير تطاق على هالفول ،، تقل لاكلت الفول تطلعه ( الله يكرمكم ) ذهب http://www.shmran.net/vb/images/smilies/soujojo.gif
ويشبك عرق التجارة مع لقمة الفول وأنا إلي أصمل على مخبز وفوال واتوكل على الرحمن وأنظف صحوني وأمصمص هالخبيزات وأعطيهم الدراهم .. وأنحر البلديه قلت أبفتح فوال وش الشروط ،، قالوا جب شاهدين وتوصيه من الملك وخطاب موافقه من الأمم المتحدة وملف أخضر http://www.shmran.net/vb/images/smilies/grins.gif
لعنبو بليسهم عليهم شروط تقل فاتحن مفاعل نووي مهوب محل فول http://www.shmran.net/vb/images/smilies/0381.gif
حددنا الموقع وتوكلنا على ربع العالمين وتوسطنا بواحدن في البلديه وجتني الرخصة من غير شروط http://www.shmran.net/vb/images/smilies/139.gif
بلطنا المحل وبنينا التنور حق الخباز وشرينا صاجة المطبق وجرار الفول وكم مقلى على كم قدر على 10 اسطوانات وطقينا اللوحة إلي صفطت القرموشي على جنب http://www.shmran.net/vb/images/smilies/grins.gif
بهذلوني الدفاع المدني على ماعطوني رخصة ،، تقل الدعوه عندهم مرجلة ،، يجيني واحد يقول خل لي الغاز بلاستيك وحط الإسطوانة برا ،، وإلا مني سويتها جاني رفيدزه قال وين اشتراطات السلامة يا ابو الشباب حط الاسطوانه من داخل ومدد بمواصير حديد http://www.shmran.net/vb/images/smilies/icon120.gif حطيت لكل واحدن منهم اسطوانه http://www.shmran.net/vb/images/smilies/grins.gif وقهويت واحدن منهم ويسرها رب العالمين http://www.shmran.net/vb/images/smilies/10111.gif وخذنا الرخصة ..
وأنا إلي يشخلني الأمل شخل ،، وأتهاوش أنا ونفسي ،، الفرع الثاني يصير في الخبر وإلا في جدة ،، ووش أسوي بالأرباح أفتح مشروع ثاني وإلا أزرع كشنه مرة اخرى http://www.shmran.net/vb/images/smilies/004.gif وأروح يم الوالده قلت يام المضيوم إن قاله الله لأحج بك لو الكعبة في سويسرا ،، وتشوفي للجرايد هاليومين ونقي لك حدا هالساعات ولا أوصيك قصي الإعلان وصفطيه وعقب كم شهر عطينياه وأبشريبها ياست الحبايب يا حبيبه http://www.shmran.net/vb/images/smilies/004.gif
قالت وأنا أمك مابي منك شيء الله يجزاك خير أنت بس فكني من غثاك هذي عاشر شغاله نسفرها والسبة ثيابك وصراويك ياخوي أنت في ركبك مشاحم وإلا تداوم في بنشر وإلا ماتعرف تاكل ،، ياوليدي الله يصلحك ماهنا بقعة مابعد لقيتها في ثوبك ، تدري إني من تالي صرت أجمع أخواتك واقول إلي تعرف مصدر البقعة أبعطيها هديه http://www.shmran.net/vb/images/smilies/139.gif الله يهديها أميمتي وش حليلها لكن لاعطيتها وجه قلبت عليك صن وكبتتها فوق راسك بعد http://www.shmran.net/vb/images/smilies/grins.gif
إيه يسر رب العالمين وطقينا هاك اللوحة وسميناه ( شيخ الجرة للفول ) http://www.shmran.net/vb/images/smilies/soujojo.gif ورحنا للبطحاء وتلينا لنا اربعة يمنيه مع رقابهم وفصلنا لبس موحد أحمر وأبيض وعليه نقوش تقول ثياب سراج سند الله لايكثر تصاميمه http://www.shmran.net/vb/images/smilies/grins.gif صارت الثياب تسنها جلابيات حريم http://www.shmran.net/vb/images/smilies/139.gif
يوم فتحنا المحل ،، و إلا ماهنا ذاك الدخل ،، مغير ادفع رواتب هالثيران من حسابي على غير سنع http://www.shmran.net/vb/images/smilies/139.gif
ونسأل أهل الرأي وأهل الجرار ،، قالوا مالك إلا تفتح الخباز ويبي يرزقك رب العالمين ،، العالم ماتفك خرمتهم على الفول إلا مع تميس يحبه قلبك http://www.shmran.net/vb/images/smilies/004.gif
ونلقى في البلد أزمة خبازين ،، أبي خباز منا وإلا منا ،، مالقيت ،، الله يخس هالأفغان مغير يتغلون إلي يقول أبي راتب 4 آلاف تقل يبي يخصب يورانيم مهوب يبي يرابط عند فرن http://www.shmran.net/vb/images/smilies/139.gif وإلي يقول ما أعرف أشتغل على فرن أرضي أبي فرن في الجدار جعله يشمّع في جدار عجلن ما أبطى يالله يقشعونه منه إلا بعتله http://www.shmran.net/vb/images/smilies/0381.gif
قدمنا على فيزة خباز باكستاني ،، يوم إنهم فحصوه ويلقون فيه لوكيميا ( سرطان الدم ) http://www.shmran.net/vb/images/smilies/139.gif الضعيف يقول بابا أبو ضيم أنا 19 سنه شغل في سعوديه مافيه مشكله أنت كلام أنا ،، بعدين أنا فيه سفر باكستان يجي سرطان ،، الله كريم http://www.shmran.net/vb/images/smilies/139.gif .. قلت والله مهوب منك من محق البركة وأنا أخوك http://www.shmran.net/vb/images/smilies/grins.gif
ونختار واحدن ثاني وتضبط أموره يوم جا يستلم التاشيرة من وزير ستان وتسكر حكومة باكستان المكتب حقهم يقولون إن له علاقات مع طالبان <--- مستمر محق البركة http://www.shmran.net/vb/images/smilies/139.gif
حاولنا منا ومنا وطلعت التاشيرة ،، يوم حجز التذكرة ويقصفون مطار وزير ستان ويخيس في ديرته شهر http://www.shmran.net/vb/images/smilies/139.gif يوم إنهم فتحوا المطار وحجز التذكرة مره ثانيه وهو إلي يصدمه باص على دبابه وتنكسر رجله وفقرة في ظهره الضعيف http://www.shmran.net/vb/images/smilies/rolleyes.gif ويدق علي يتعذر ،، خخخخخخخخخخ قلت والله مهوب منك يابعدي ،، أنا إلي أبتعذر مهوب انت ..
دبرنا خباز فنان وفتح المخبز وبدا المحل يشتغل وتضبط الأمور وأحط أول ألفين في جيبي ربح وتروح من باتسر مخالفة للبلديه يقولون ليش مافيه مكيف في المستودع ،، والمستودع فيه خياش فول http://www.shmran.net/vb/images/smilies/rolleyes.gif
لعنبو بليسهم حنا مالقينا مكيف نتبرد به في القيظ نحط مكيف لخياش فول http://www.shmran.net/vb/images/smilies/0381.gif لادخلت المحكمة وإلا البلديه تطلع وثوبك تقل مغسول من العرق ،، والله إنك تقوطر وكل شيء فيك مترهل http://www.shmran.net/vb/images/smilies/10111.gif تمشي مفوحج من زود الحر ..
الشاهد من هالدندره إن الفوال بدا يشتغل ومشت الامور وأجي ذاك اليوم وإلا نجيب ( اليمني مدير المحل ) فاقن كشرته الله يخسه سنونه بينهن مشاكل متفرقات وطالعن له شعر في جفونه الله لايبلانا ولا منه تبسم ودك تخبز بفرادة العجين ويالله تبرد قليبك ،، يالربع والله إنه يسد النفس ،، قلت له يانجيب رح ياخوي عدل سنونك على حساب المحل وإلا بدلتك بلبنانيه http://www.shmran.net/vb/images/smilies/004.gif ( لو العلم معك تسان الخباز زلمة بس رب العالمين داقمك )،، قلت وش عندك يا أبو يمن ،، قال جانا واحد وعطاني هالرساله لك http://www.shmran.net/vb/images/smilies/eek.gif
وأنا إلي أفتحها وإلاه راعي العمارة يقول إجارك بينتهي عقب شهر ونبيك تطلع أجرنا المحل على وكالة نيسان http://www.shmran.net/vb/images/smilies/139.gif