منتديات قبائل شمران الرسمية - من اجمل القصائد الحزينة في الوداااع ..

السلام عليكم ورحمه الله وبركاته

هذه آخر قصيدة كتبتها الراحلة عابرة سبيل وقد انشدها المنشد فهد مطر في شريط الوجد

وهي من اجمل القصائد الحزينة في الوداااع ..

عابرة سبيل شاعرة كويتيه اصابها مرض السرطان

وقالوا الاطبااااء لزوجهاااا ماعاد لها علاااج ..

طلعهاااا من المستشفى وعند البدو عادة اذا طلع

المريض من المستشفى ذبحو له ذبيحة بمناسبة الخروج والشفااء

تونيس لخاطره , فلما اخرجهاااا من المستشفى ذبح لها ذبيحة

وقامو ربعهااا بنفس الطريقة كل يوم واحد يغديها او يعشيهااا

وهي عندهااا احساس ان السرطااان تمكن منهااا وليس لها علاج

وان ايامهااا معدوة وان المنية دنت وان مايقوم به ربعهااا زوجهااااا

وربعهاااا انمااا لتسلية خاطرهاااا فقالت هذه القصيدة ..

اسم الشاعرة وسمية العازمي من الكويت ..

وهي عابرة سبيل الشاعرة المعرفة .. ولـ عابرة سبيل 6 أبناء أكبرهم عمره 12 سنه

أسال الله ان يتغمدها بواسع رحمته..

اليكم القصيده ..

ترى الذبايح وأهلهـا مـا تسلينـي
أنا أدري إن المرض لا يمكن علاجه

أدري تبي راحتي لا يا بعد عينـي
حرام ما قصرّت يديـك فـي حاجـه

خذهـا وصايـا وأمانـه لا تبكينـي
لو كان لي خاطر ما ودي إزعاجـه

أبيك بـ يديك تشهدنـي وتسقينـي
أمانتـك لا يجـي جسمـي بثلاجـة

لف الكفن في يديك وخل رجلينـي
ما غيرك أحد كشف حسنه وإحراجه

أبيك بالخيـر تذكرنـي وتطرينـي
يجيرني خالقـك مـن نـار وهاجـة

سامح على ما جرى ما بينك وبيني
أيام نمشـي عـدل وأيـام منعاجـه

عيالي همي وأنا اللي فـيّ يكفينـي
علمهـم الديـن تفسيـره ومنهاجـه .

:: عابرة سبيل ::