منتديات قبائل شمران الرسمية - أحبها حب الفقارى للتشبث بالغناه ** حتى لو إن الفقر بين جلودها وثيابها

من شاف حالي قال يا سلطان حالك وش بلاه
و أمرر أسئلة الفضوليه وأصك أبوابها

وانا إليا من جاء العصير وذعذع الغربي هواه
أون ونات كبير الحظ مايبلا بها

والغالي اللي كل شريانٍ تغذى من غلاه
يلعب على كيفه و أهل مكة تعرف أشعابها

والحال نفس الحال ما يخفاه طيبه من رداه
والعين ماتبغى تشوف أحباب غير احبابها

روض الحشا قد له ثمان شهور ما طقطق سماه
في غيبة الفرحة عساها مايطول غيابها

اثر المحبة تبحث الرجال وتبيح خفاه
اليا سطت بين الضلوع وعلقت مخلابها

انا قريت كتاب وحبٍ ما احد قبلي قراه
وغنيت فيه معلقات ما أحدٍ غنا بها

حب ترعرع من وراه حدب الضلوع ومبتداه
ماهو لاجل شهرة لابو الشهرة ولابو من جابها

عسى الجريدة والمجله والإذاعه والقناة
فدا عنود الصيد وإفدا شوقها واعجابها

الجادل اللي كل ما منها يشد الانتباه
حتى الكلام يحير بين شفاهها وعذابها

لا قلت يا سمح المحيا ماتعرف تقول هاه
ماتعرف الا يا نظر عين الغلا واهدابها

آحيان احس أنها طفل و ازعله وادرك رضاه
حتى ليا قامت تعاتبني يا زين عتابها

أحبها حب الفقارى للتشبث بالغناه
حتى لو إن الفقر بين جلودها وثيابها

لشاعر العرب سلطان بن وسام الهاجري