منتديات قبائل شمران الرسمية - قصيده في الحلافات

هذه القصيده قلتها في مناسبه كنت معزوم لها

عند اسرة ال دغش من الحلافات في الدمام

هذه القبيله العريقه وهذه الأسره الكريمه

التي اتشرف بمعرفة مثل هؤلاء الرجال

والفضل لله ثم لأخي العزيز الشاعر الجميل مصلح بن علي

الحلافي

وهذه المناسبة لترقية

الأخ العزيز خالد بن دغش لرتبة ملازم في القوات

الجويه وعودة الأخوين الشاعر

ظافر بن علي بن دغش الحلافي الذي يدرس

الدكتوراه في بريطانيا

والأستاذ محمد بن دغش الحلافي اول حكم سعودي

في الدوري الأنجليزي وقد كان هناك امسيه

شعريه احييتها ومعي الأخ الشاعر ظافربن علي

الحلافي وقد افتتحت الأمسيه بهذه القصيده

امل ان تحوز على رضى الجميع

ســــلامي عليـــــكم يارجــــال الكــــرم والجــود

ســــلام يجــــمل بالوفــــاء وجـــــه من قـــالــه

ســـلام يعـــم اللــــي حضـر من رجــال الفــــود

ومن غـــاب تسليــــــم المحبــــــــــه يـــودالـــه

ســـلامي علـى صلـب الحــلافات غمـر وعـــود

ســــلامي على جــار الســعد والســـعد فـــالـــه

في المبتـــدى عنبــــر وفـــــــي منتـهــاه ورود

ولا يستحــــقــــه غيــــر من يكســــب القـــالــه

حـــلافــات والتـــاريخ يبـــقى لكــــم مشهـــــود

بالأفعــــــــال والأقـــــوال رجــــــالكم شــــالــه

وحنـــا لكــم وانتــــو لنا بالليــــــالـي الســــود

نـــوفــي بعـــــض والطيــب يا حــظ من نـــاله

حـــلافي وشــمراني على الطيــب تــرقى سنـود

ولــدنا من اول يــــــــوم والطيــــب يســعــالــه

حضــرنا ولالي عن وعــود الرجــــال صـــدود

ولي الشــــرف لامن دعــــا الكـــــفو نعنــالـــه

على دعـــوتك يابو عـــمر نطــــوي الممـــدود

ومثـــــــلك لك الله ما انتقيصـــرعن وصـــالــه

ومصــلح وانا وايـــــــاه ما بيـننا فـــــــي زود

صــــداقة وفـاء تبـــــقى على العـز والطــالــه

خــــوي الســعد لا غـاب والا حضـر مـوجـود

فــي القلـب منــزالــه وفـــي العيـــن منـــزاله

وانا بيـــن ربـعي ما اعتبـــر واحـــــد مفقــود

وكل يفـــاخـــر بأصل جـــــده وفـــي خـــالــه

وعـــذر الرجـال الــوافيـــه عـــذرها منشــود
اذا ما حصــل تقصيــــر للحفـــل ورجـــالــــه

ومنــــا التهــــاني والتهـــاني بليـــا حـــــدود
على التـــرقيـــه واللي خــذى العـلم بأفعــاله

شعر زهير بن حمدان الشمراني

وهذا الرد من اخي الشاعر مصلح بن دغش

عندما وصلته القصيده

هلا مرحبا يا اللي ورث من صفات العود
مـــداوس ابن شنبــر ونعم الفتى جــــاله

هـــلا مسهلا لا ناض بـرق وحن رعـود
على الشــاعراللي رايت البيض تنصاله

سـلايل رموز العز شمران حلف اجدود
يا قيف العنـاصي نعم يا القيف ورجاله

يشرفني المردود والجود من الماجــود
عســى الله يجملنا على الطيب وامثــاله

مقـــــام القصايد يختلف مثل طيب العود
ولا كل عـودن بزرق الطيب يــزهــــاله

ونظم الشـعر بين العرب للفخـــر معدود
ويحسب على الشاعر كــلامه ليا قـــاله

ولا كل شاعر ينتمي الوصف له ويرود
ويوصل مواصيل ابن حمــدان بقــــواله

وانا والله اني طـــرب للبــدع والمردود
مع شــــاعر قيفـــان شــــعره تغنــــاله

صفات الوفاء والطيب ما جالها مضهود
ورثها من الجـــدان ووصـــابها اعيـاله

ومـــدح بليا معرفه في الـــرجل منقــود
ومن مثل بو مــاجد خذى المدح بأفعاله

عـــرفته وخــاويته ولا فيه نقص وزود
علـــوم الشـــرف والعز بسمه تسمــاله

ويا من تشـــرف جيتــه عند ربع الفود
مقـــام الفخـر نوماس والطيب مدهـاله

وحنا وياكم حلف لاذعـــذع البـــــارود
نجمل بعض لأجل النـــواميس والقـاله

ولا نختــلف عن مــذهب بيننا ماكــود
على العهد والميثاق ساسه ومنـــزاله

وبسمك ترحب يابو ماجد عن الماجود
لأنك من اهل الشــــــان وتقول ما قاله

ومن دون صبيان الحلافات سقت الذود
مفاريد وضحن تهتوي البرق وخيــاله

جذبها سنا غيث الحيا والعباد رقـــــود
وجا الله بها ترسل سلامي لك ارساله

وصلو على اللي يشفع ابيومنا الموعود
صــــلاة الله واســــــلم على محمد وآله

شعر مصلح بن دغش الحلافي