قال الشاعر مشعل بن سابر
ظروف الليالي تصنع من الرجال رجال
وتضعف ضعيف العزم لا مرّته مرّه ظروف الليالي صنفره والقسا لاطال يبين لك المقدام واللي على الجرّه ويظِهر لك الرجلي ويظِهر لك الخيّال ويظهِر لك الحلوه ويظهِر لك المرّه ويظِهر رجالٍ كان ماهم بلك فالبال ويصغِر رجالٍ فيهم الناس مغترّه ويظهِر صديق الصدق والصاحب الدجال ويظهِر صديقٍ ليت خيره كفا شرّه وتدري بمعنى كلمة ان للحمول جمال وتدري بمعنى مايساوي ربع ذرّه فلا كل منهو طب سوق الفخر يكتال ولا من دخل في المعركه يقدر الكرّه وانا واثق ان مافيه عقده بلا حلّال ولا فيه وجهٍ لاهب القيض مامرّه ولا فيه في الدنيا على الحال يبقى حال يدور الفلك وتجيك الايام مفترّه فلا تضعف اليا جات بعض السنين هزال وجيبك على مافي كنين الحشا زرّه تجمّل بصمتك والبس الصبر لبس عقال وتمطر سماك وتصبح الروح مسترّه يجيك المدد من خالقك دافقٍ همّال وتاتي صحاري وقتك الجرد مخضرّه |
رد: قال الشاعر مشعل بن سابر
قصيدة رائعة بروعتك أخي الغالي
|
رد: قال الشاعر مشعل بن سابر
مميزه دائما اطروحاتك
|
رد: قال الشاعر مشعل بن سابر
أخي سعد أبو عبدالرحمن
اشكر لك مرورك الجميل وبارك الله فيك |
رد: قال الشاعر مشعل بن سابر
أخي بكر علي
اشكر لك مرورك الجميل وبارك الله فيك |
رد: قال الشاعر مشعل بن سابر
اخي الحمدان
ابيات في منتهى الروعه فصح لسان الشاعر مشعل بن سابر اختيار ونقل مميز |
رد: قال الشاعر مشعل بن سابر
أخي الغالي أبو تركي
شكرا لك اسعدني مرورك الجميل أسعدك الله في الدنيا والآخرة |
الساعة الآن 01:45 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية