الليل ياخالد
 

من أجمل قصائد الشاعر محمد الأحمد السديري
اللتي عنوانها ( الليل ياخالد )


إن صار زود المال بيدين الانذال
حنّا من المعروف تندا يدينا

وان كانهم شرهوا على طيب الافعال
حنّا وردنا جمامها وارتوينا

وان فكّروا للجود يمشون رحّال
حنّا قبل يمشون يّمه خطينا

يا ما لبسنا للشرف كل سربال
وعلى البسيطة للفضيلة مشينا

في دوحة العربا لنا مجد وظلال
وحنّا على در المكارم غذينا

لو نجمع اللي فات منا من المال
إن كان شيدنا القصور وبنينا

نعطي ولا نتبع عطانا بالاقوال
ونبذل ونسكت كننا ما عطينا

وان باعوا الشيمة بدينار وريال
حنا دخلنا سوقها واشترينا

نطلع لها لو هي على روس الاقذال
لو هو عسير ٍ دربها ما انثنينا

بافعالنا نرسم دروب ٍ للاجيال
إلي نساها غيرنا ما نسينا

أسود سادات ٍ تسجل للاشبال
فضايل شمنا لها واهتدينا

بيض ٍ نسجلهن جديدات وسمال
حفايظ لاحفادنا اللاحقينا

نصبر على الشّدات لو شيلنا مال
لو سال دم دفوفنا ما شكينا

نخاف يلقى سدنا كل ختّال
ويبني هزيلات المعاني علينا

الليل يا خالد على والدك طال
وهنّيت ناس ٍ بالكرا نايمينا

يا عز راسي شفت ما خبث البال
شي ٍ يهوّل شيّب الجاهلينا

شي ٍ من اسبابه يشيب بالاطفال
فطّر خشوم مهجرعات الحنينا

أدير قالات ٍ عريضات وطوال
قالات خلنّ المخفىّ يبينا

منهن رزين العقل بالوقت يهتال
بوقت عبوس فطّن الغافلينا

وقت ٍ من اسبابه شكى كل ريبال
نصبر ونسكت كننا غايبينا

الناس بالأيام راحل ونّزال
تفجعهم الدنيا وهم دالهينا

وحيات رب ٍ نزل آيات الانفال
عالم خفايا نية الحاقدينا

ما اترك طريق العدل في كل الاحوال
لو يرحل المريخ للفرقدينا

الشاعر محمد الأحمد السديري

رد: الليل ياخالد
 

رد: الليل ياخالد
 

بارك الله فييك على الطرح الجميل

رد: الليل ياخالد
 

رد: الليل ياخالد
 

رد: الليل ياخالد
 

ألاخت الغاليه شذى الياسمين
شكرا لك على التعقيب
والمتابعة المستمره
لك أجمل تحيه وتقدير

رد: الليل ياخالد
 

ألاخ الغالي بكر علي
شكرا لك على التعقيب
والمتابعة المستمره
لك أجمل تحيه وتقدير

رد: الليل ياخالد
 

ألاخت الغاليه ريحانة الطيب
شكرا لك على التعقيب
والمتابعة المستمره
لك أجمل تحيه وتقدير

رد: الليل ياخالد
 

ألاخت الغاليه ريهام خالد
شكرا لك على التعقيب
والمتابعة المستمره
لك أجمل تحيه وتقدير

رد: الليل ياخالد