ماخلقت اللي تنسيني حليب امي
 

وش جابها في يديك تشيلها يمي
جمع مناقيدك اللي جيت تنثرها

صحيح أنا أعشق و صار العشق في دمي
لكن سوالفك نقص .. و لا تكثرها

ما خلقت اللي تنسيني حليب أمي
أبيع كل العذارى لأجل خاطرها

اللي فرحها اشترت به حزني و غمي
ترجي ضناها عسى الله ما يخسرها

تفرش طريقي دعاوي بعثرت همي
يدينها للسما و يهل ناظرها

أبوس يدها و أكف العبره بكمي
كل العظايم لها يالله ما أصغرها

و الجادل اللي خذت روحي و أنا أسمي
تستاهل اللي تبقى من مشاعرها

قلت لهواها فدتك جروح يا عمي
جهنمك جنة تنعش سعايرها

انشودة ما روى ترديدها فمي
و لا روت من غراميات شاعرها

لعلها قبل أقول لقصتي تمي
يوم العزا تختم القصه عبايرها


الشاعر... ناصر القحطاني

رد: ماخلقت اللي تنسيني حليب امي
 

رد: ماخلقت اللي تنسيني حليب امي
 

ألاخت الفاضله شذى الياسمين
شكرا لك على تعقيبك وتواجدك
المستمر بمتصفحي لاعدمتك
لك مني أجمل التحايا واطيبها