منتديات قبائل شمران الرسمية - اشـوف بالمرعى مواطي ذيـــابه

- المنقولات الأدبية (http://vb.shmran.net/forumdisplay.php?f=153)

- - اشـوف بالمرعى مواطي ذيـــابه (http://vb.shmran.net/showthread.php?t=62704)

اشـوف بالمرعى مواطي ذيـــابه

تحذير
يجب على الاباء والامهات
مراقبة الابناء وخاصة في ظل
هذا التطور السريع في عالم
الاتصال والانترنت.

قولوا لرعـيان الـغــنم لايـنـامون
اشـوف بالمرعى مواطي ذيـــابه

قولوا لهم خذوا الحذر لاتغـفـلون
كـم غـافـلٍ اصبـح حـلالـه نهـابـه

وقولوا الذيابه بالغداري يغـيرون
والجوع ينسيها الخطر والمهابه

والذيب مايومن على مايـقـولـون
يغـرس بارقاب الفرايس انيـابــه

تلقون ضرب انيابها كنها طعـون
وجر المخالب مثل جـر الحـرابـه

اشـوف أشـياءٍ لـهـا ما تـشـفـون
تغيب عن بعض العـقـول النجابـه

اقول قـولي والخـلايـق يعـرفـون
خير الملا من قـبـلـنا قـد حكى به

لابــد مـايــومٍ إلى الله تـعـــودون
وكلٍ يبي يسأل عن اللي رعى بـه

اللي رعـوا بالشر للشر يجـنـون
واللي رعى بالخير يجـني ثـوابــه

احمد بن عبدالرحمن العريفي
(نديم المجره)