منتديات قبائل شمران الرسمية - قصيدة وتر / تناديك ❤️️

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - قصيدة وتر / تناديك ❤️️ (http://vb.shmran.net/showthread.php?t=74943)

قصيدة وتر / تناديك ❤️️

قصيدة وتر

تناديك

https://gifsdomi.files.wordpress.com...assion-371.gif

تناديك رغبات المقابيل
من الأرض وأنتِ بالمجرة
تهادي على غصنٍ من الليل
وتمادي على القلب ومقره
ترى كل هالدنيا تساهيل
ما دام إننا بنعيش مرة
تلدين وتزين التعاليل
تصدين وتصد المسرة
وأناديك ودموعي هماليل
وفي الصدر تنهيده وحرة
أحبك وما للحب تأويل
ولا شفت منك إلا المضرة
وتموني يا ريم المكاحيل
على القلب في خيره وشره
إذا جيتي أستاهلك بالحيل
وإذا كان ما تبغين حرة
فديت الوسيعات المظاليل
رماح الهلاك المستشرة
وخطواتك اللي بالخلاخيل
لها في الصدر والقلب جرة
وسواليفك بكل التفاصيل
وصوتك بها لله دره
أبي منك ما ينهد لي حيل
على شيء ما يسوى المضرة
وأبي صادقات التهاليل
إذا جيت أبشكي وأتشره
من الحظ وأشباه الرجاجيل
وعثرات وقتي المستمرة
وطموحاتي الغر المحاجيل
وخذلانها مع كل كرة
أعدل المساوي يطيح قنديل
وأهز الجفن وتطيح قرة
وأناديك ودموعي هماليل
وفي الصدر تنهيده وحرة
أحبك وما للحب تأويل
ولا شفت منك إلا المضرة

كلمات/ ياسر التويجري