استعلامات905 000 موضوع حلو مرة لايفوتكم
استعلامات905 000 موضوع حلو مرة لايفوتكم
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين: المكالمه الاولى : شايب كبير السن الموظف : الو ..استعلامات الدليل محمد الــ......0 مرحبا المواطن : الو .. ممكن لو سمحت تعطيني رقم عبدالله فهد سعد الموظف : وين ساكن اخوي لو سمحت المواطن : ساكن هنا قريب منا . الموظف : وين قريب منكم بالظبط . المواطن : ياخوي هنا جمبنا جارنا ماتعرفون رقمه . الموظف : ياعزيزي انا مادري انت وين بعد . المواطن : اقول والله ماعندك ماعند جدتي بس . طوط طوط انقطع الخط ====================== المكالمه الثانيه : صوت ناعم الموظف : الو ..استعلامات الدليل محمد الــ......0 مرحبا الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه الموظف : اي فرع تبغون رقمه . الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس . الموظف : بيموت من الضحك بس ساكت ... طيب خوذي فرع العليا اجل الصوت الناعم : ياخي ليه ماتضحك .. لايكون انت صاحب بيتزا هت ..مالت عليك وعلى دمك . طوط طوط انقطع الخط ===================== لمكالمه الثالثه : طفل يرفع الضغط الموظف : الو ..استعلامات الدليل محمد الــ......0 مرحبا الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج الموظف : طيب خذ رقمه ؟؟؟؟؟؟؟؟؟؟ الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه ؟؟؟؟؟؟؟ (ممنوع اكثر من اسم في مكالمه) الطفل : طيب ابي واحد ثاني هذا رقم ابو نادر عمي سعد . الموظف : اتصل مره ثانيه لانه ممنوع اكثر من رقم في اتصال واحد . الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي . الموظف : يخرج من طوره ( اقول اسمع (............. طوط طوط قفل الخط ============================= لمكالمه الرابعه : كانت صوت ناعم الموظف : الو ..استعلامات الدليل محمد الــ......0 مرحبا الصوت الناعم : عوافي اخوي . الموظف : الله يعافيكم يارب ........ ( اول مره احد يعطيه روح معنويه) الصوت الناعم : لا انا قصدي ابغى مطعم عوافي اللي في العليا . الموظف : طيب خوذي الرقم ؟؟؟؟؟؟؟؟؟؟؟؟؟ ========================== المكالمه الخامسه : كانت صوت ناعم اوي الموظف : الو ..استعلامات الدليل محمد الــ......0 مرحبا الصوت الناعم : مرحبا اخوي ممكن تعطيني مستشفى العيون للولاده . الموظف : كيف ..؟؟؟؟؟ الصوت الناعم : مستشفى العيون للولاده .. تسمع يا اصقه . الموظف : يبي يصرفها المكالمه مسجله طبعا ( هذا رقمه غير معلن ) . الصوت الناعم : طيب ضف وجهك . طوط طوط انقطع الخط . ============================== المكالمه السادسه : كان صوت ناعم.. بنت الموظف : الو ..استعلامات الدليل محمد الــ......0 مرحبا الصوت الناعم : هلا اخوي ممكن تعطيني رقم صيدلية السقاف الموظف : تفضلي الرقم ؟؟؟؟؟؟؟؟؟ الصوت الناعم : لا لا لا هذا رقم صيدلية السقاف اللي في الروضه الموظف : طيب ايش فيها . الصوت الناعم : ماهي زينه ... مايبيعون الا فقس .. طوط طوط انقطع الخط . ========================= المكالمه السابعه : كانت فتاه ايضا الموظف : الو ..استعلامات الدليل محمد الــ......0 مرحبا الفتاه : عيوني. الموظف : بلا هالكلام ايش تبغين ...............(عشان المكالمه مراقبه). الفتاه : لا انا ابي محل عيوني للعدسات والنظارات اللي في التحليه . الموظف : ايش اسمه عيوني. الفتاه : لا مو عيونك عيوني انا ياعيوني . الموظف : خوذي رقمه ؟؟؟؟؟؟؟؟ الفتاه : طيب شكرا لعيونك اللي كنها عيون بقره ...ههههههههههههههه عندها بنات يضحكون . الموظف طلع وترك الدوام .وراح يشرب عصير ليمون . اتمنى اني رسمت البسمه على وجوهكم احلى لطشه لعيونكم ..................... |
ههههههههههههههههههههه
لاحول ولا قوة إلا بالله لو غيره أفصل من العمل ولا مكالمة وحدة مشيت صح ههههههههههههههههه يعطيك العافية أخي قناص القلوب لاهنت يالغالي ولا أوصيك كررها تحياتي واحترامي |
:GIF_6::GIF_6::GIF_6:
هههههههههههههههههههه تسلم قناااصووو على الملتوشاتوووووووو والله مسكين راح فيها :wideeyed::14: بس يرفعون الضغط ومروقين :O_o: تشكوراتووووووووووو:roflmao:لاتحرمنا من مشاركاتك :51: |
ههههههههههه
الله يعطيك العافيه اخوي تحياتي لك اخوك بن صهبان |
ههههههههههههههههههه
بعض المواقف تقول يستاهلون وبعض المواقف الله يعينهم على تحملها لاهنت على جديدك ياغالي |
ههههههههههههههههههههههههههههههههههه
اكثر ما ضحكني (( مستشفى الولاده للعيون )) تسلم قناص على ها اللطشه الحلوه والله اني انبسطت منها كتييييييييييييييييييييير ولا نوصيك كررها |
الساعة الآن 12:07 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية