منتديات قبائل شمران الرسمية - ‏واقلبي اللي تقول أنه على ملة

‏واقلبي اللي تقول أنه على ملة
واعيني اللي تقول أن نومها جالي

الصدمة اللي تجي من جيز خلق الله
تصدم جدار الثقة وتموت طوالي

غير البلا جات من خلً على خله
اليا تذكرتها ويلي على حالي

ينتابني شي مايعلم به الا الله
يجعلني أصد وجهي وأجلس لحالي

من ضيقة الصدر اخاف تخونني زلة
تجرح لها واحداً في خاطري غالي

عرش الهوى اللي تولى فيه واحتله
لا طاح منه وش اللي عاد يبقى لي

بتعم في صدري الفوضى وتحتله
وعيش في حزني وفي خيبت أمالي

ياطيب عذرة لو أنه جاء على حله
غلاه يجعلني أدمحها ولا ابالي

عوض بن شفلوت