القريـه اللـي ما بـهـا كــود الاشــرار
 

القريـه اللـي ما بـهـا كــود الاشــرار
راع الوفا يلقـى العـوض فـي بدلهـا

دام الصديـق يلـف ويحـط الاعـذار
واقـاربـه فـــوق الـحـيـاه يختـلـهـا

يلقـى بدالـه فالوطـن سـر واجـهـار
فالـديـره الـلـي ما وطـاهـا محـلـهـا

من صـد عنـك وللوفـا حـط الانكـار
وشـلـون مـنــه التـالـيـات يعـدلـهـا

احسـن طريقـه فيـه لا فـيـه تحـتـار
ولا تقـول هــذي مــن سبـايـب زللها

ما شاورك في بعض الاشيا والافكار
ولا هـيـب مـنـه الاولــه لــك فعلـهـا

مـا كـنـه إلا نـــازح الــــدار لــلــدار
يـمـشـي ورى نـــاسٍ رديٍ عـمـلـهـا

خلـه يـا عـل بداخـلـه تشـعـل الـنـار
ما منـه فــود ومــن وصـايـف عللها

يغنيـك عنـه اللـي علـيـمٍ بـالاسـرار
دامــه يـشـابـه للمصـيـبـه واهـلـهـا

لا تقـول انـا ويــاه لــو نــوه يـسـار
وتهيـن نفـسٍ عـنـد والـيـك اجلـهـا

خلـه يولـي مـن طويـلات واقصـار
فـوق الحيـاه اللـي علـى الله مهلهـا

دام المـعـزه مالـهـا بــاب وإسـتــار
ولا بــه مـثـل مـا وصـفـوه بعسـلـهـا

يـا صـار ما يـوجـد نـعـاون ولاصــار
مــن شــاف لــه دارٍ عـمــارٍ نـزلـهـا

يبقـى فلا صـار الوفـا يـوم الاذكــار
يطري على مـن جـا سبايـب جهلهـا

وانـت العليـم المطلـع وآل الاقـدار
يـــا رب يـاعـالـم رضـــاه وزعـلـهــا

علـيـك يــا رب الـمـلا كــل الاخـبـار
لا فــرق بـيـن الاولــه مـــع سمـلـهـا

يا الآدمي قبل يجـي قـص الاعمـار
دل الدلـيـل وكـلـمـة الـحــق قـلـهـا

النور من غطـه فـلا يوصـف اخيـار
رايـه ومــن حــط الخطـيـه نقلـهـا


عبدالله فالح المسحمي