ما زلت أمارس هروبي في تفاصيلك
 

‏ما زلت أمارس هروبي في تفاصيلك
وأخشى طيوفك تجيني وما أضيّفها

للحين أحبّك ولو أنكرت وأدعيلك
حتى جروحي القديمة قمت ألطّفها

أعاند الجور وأتغاضى وأناديلك
‏قد قلت لك هالمحبّة حيل خايفه

إليا لمست المحاني صرت قنديلك
وآخذ من الماضي الذكرى وأزيّفها

ليت الليالي عن إحساسي تغنّيلك
كيف المشاعر تحاصر قلب عايفها

ماني بـ شاكي لخلق الله وشاكي لك
ما أكره من الناس غير أكره تعاطفها

وشلون أبمسح دموعي في مناديلك
والدّمعة اللي بـ خدّي منت ذارفها

محمد الزهراني