( مارس غرورك )
يا.. من غرست بمهجتي عطر الورود..
هذا صدود اللي تمارس أو غرور..
ما كنت أصدّق إن من أستعذبته
العين قبل تناظره ..
وأستلطفه قلبي وغنّى له مواويل من
الآمال قبل يشاغبه ..
ومالت له أعناق الطموحات الشتات..
إنّه يكن قاسي ويغرس في ثرى
عطر الورود ..
بالصدّ في قلبي خناجر
0000000000
آه لو شفت المحاجر يا قلم
ماكان وقتك ضاع
في صحراء السكوت
ذيك السنين
مارس غرورك مثل ما تبغى
وتأكد إني بك مغرور
حتى صدودك مارسه
وتأكد إني بك مسرور
حتى لو غرست بمهجتي
كل الخناجر
0000000000
صولي وجولي بالصدود
في ذكرياتي لك وجود
أعيشها وأقضي معاها
أجمل مشاعر
: أقولها
: كلي وضوح
:وأصارحك
:رغم الجروح
:منك أنتظر
: بارق أمل
:والشوق بأيامي
يفوح
( مارس غرورك )
1416هـ
الشاعر
أبورعد
عبدالله زهير غيثان الشمراني