فوق هام السحب ( الشعر الشعبي) على متن القوافي

عليك بالتقوى ترى العز بالدين
ولا فيه شيٍ ينْفعك غير دينك

ََالموت ماخلى ملوك وسلاطين
ولابد من يومٍ تشوفه بعينك

لو كان تملك في رصيدك ملايين
غير العمل مافيه شيٍ يعينك

وان كان تبغى لك معزه وتمكين
لا تّتْبعْ الشيطان دربه يهينك

.......

‏البخل في عين البخيلين إقتصاد
والضعف حكمه في عيون الأجودي

وأسهل عمل للفاشلين الإنتقاد
كلن يسب أهل الردى حتى الردي

حتى الجبان يصير طارق بن زياد
إذا جلس على البساط الأحمدي

....

‏اليا بليت بكلمتن مالها علاج
عوجا وجاتك من عوّج صد عنها

دور لها يامحكم الشور مخراج
ولا تنشد اللي جابها عن ثمنها

ما انته مكلف بين ناقل وهراج
ارفع مقامك يابيض الوجه عنها

....

‏صف النوايا واذكر الله ترتاح
واللي تشوفه قابله بأبتسامه

وخلك وسيع الصدر طيب ومزاح
ترا الزمن مايستحق الملامة

....

‏لاتنخدع في بعض الأبيات والبوح
مرات كل اللي نقوله خيالـي

نكتب فرح والقلب مرات مجروح
ونكتب حزن مرات والبال خالي

....

اسهـل مفـاتيح الـقلـوب ابتسامـه
واترك عيوب الناس وتموت راضي

والصمت في بعض المواقف كرامه
وقد قيل ثلثين السعـاده تغاضي

.....

أنت العمر لاجيت والموت لارحت
وإنت الضيا للعين يانور عيني

أشتاق في لقياك وأشتاق لاغبت
وأشتاق لو ضمت يمينك يميني

إنت القمر لانمت والشمس لاقمت
وإنت الشفا من كل هم يجيني

......

‏صبرك علـى نفسك وصبرك عل النـاس
يعطيـك عـن بعـض الـمشـاكل منـاعـه
.
لا تـأيـد المـخطـي ولا تحـنـي الـرأس
والصبـر فـي بعض المـواقـف شجاعـه

....

‏لابد ما نفرح ولو صابنا الياس
ولابد ما نرتـاح عُقب المأسي

ولابد مانضحك بقوه للاتعاس
ولابد نتبسم لكل إنتكاسي

ولابد نتجاوز وجعنا والاحساس
ولابد ننعــم بالشعـور الحماسي

ولابد مانسرح ونمرح مع الناس
ولابد ما نسعَد لاخر قياسي

.......

‏يا صديقي خذ من الدنيا وجوه أربع
السعد والحزن والحرمان والنعمة

والدهر غدّار فاحذر من أمور أربع
الكبر والكذب والعصيان والعظمة

فالحال قد زاد فوق المنغصات أربع
الجور والحقد والبغضاء والظلمة

فيا إبن آدم تمهّل واستعن بأربع
بالله والصبر والإيمان والحكمة

وإن رمت راحة ضميرك فارتضي بأربع
بالرزق والحق والمكتوب والقسمة

وعامل الله تأمن من مصير أربع
السخط والبطش والحرمان والنقمة

.....