فوق هام السحب ( الشعر الشعبي) على متن القوافي

‏الذكريات بكل الاحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميله وراحت

‏
.......

‏فينا بقايا طفل يشفق على اللعبه
‏ما نقدر نْرد نفسه عن مشاهيها

‏والطفل لا حب له شي و تولع به
‏يشوفه اغلا من الدنيا و ما فيها

‏نخلق عذر قبل لا نخطي و نقنع به
‏ما نعترف بالخطايا .. لين نخطيها

‏شعور جداً خطير و مرحلة صعبه
‏تتعب من أشياء ما تقدر تخليها


.......

‏حنا عــن الزلات باخـــلاقنا نشوم
يتعب ردي الحـــظ يلقــى ردانا

ماني على بعض المخاليق ملزوم
لاصــار نقال الحـــكايا ورانا

الصــقر عالــي والخرابات للبوم
وبالطيب والمعروف تندى يدانا


.......

مهما تغيّرتوا أسلوبي هو أسلوبي
في دروبي الآمنة ودروبي الخطرة

ماعرف اداهن عشان آصل لمطلوبي
يا زين وجه البياض اللي على الفطرة


.......

لا عاد تطرون عندي .. طاري الماطر
دام السحابه على الماضي ،، ترجعني

انا بـ حرب المشاعر .. ماني بشاطر
ادنى التفاصيل بين الغيم ، تفجعني

قد قالوا ان ( المطر يشرح لك الخاطر )
وشلون صار المطر لا طاح .. يوجعني


.......

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره ما زال
اتجدد غلاه الذاكره لا تناسيته

عن البال ما قد غاب واشغلت فيه البال
احس اني اشوفه كثر ما تهييته

شعور التفاؤل يجعل الحلم طيب فال
ياكم ذاق حلمي سكرة الموت واحيته


.......

‏الرجل ما ينقاس بشماغ و عقال
يا مكثر العقله ويا قله الباس

الرجل اذا ما كانت اقواله أفعال
لا خير باقواله وافعاله افلاس


.......