فوق هام السحب ( الشعر الشعبي) على متن القوافي

من عز نفسه زاد رفعه وقيمه
لو ان رزقه مثل رزق اشقر الريش

ياصاحبي ودروبنا مستقيمه
لو فتّشت عنا نقاط التفاتيش

مايرخص البندق ولا شداد ريمه
الا الضعيف اللي يدوّر عراميش

بعض النفوس تصد لو هي محيمه
تقبل وهي ظمياء وتقفي معاطيش


......

كل عام وانتي قصيده ما لحقها ملام
من اول العيد لين اخر حدود السنين

كل عام وانتي حكاية كل ليله وعام
لو يختصرْك الشعر والشاعر بكلمتين

عليك من شاعرٍ غنّى لقلبك سلام
لو ما حصلّ له سلامه بين شامه وعين

لفّي من الغيم ثوب وزيدي الابتسام
انا اوّل انسان يحضن غيمه ونجمتين

......

‏باقي من الي خذيته قلب بين إصبعين
‏وإن قلت هاته من عيوني وتآمر أمر

‏وإن قلتلي موقعي من عالم الحسن وين
‏بعد الثلاثين كان الله عطاني عمر

‏أقول مزيون وأشباهك ماهي بربعين
‏أشباهك ثنين ياما شمس والا قمر

......

ياعود موزٍ على النسناس غريافي
تشرق نجوم الثريا في بساتينه

وليا مشيتي يتلك ثقل الاردافي
والثوب قمتي على الساقين تضفينه


......

‏ياحبيبي والمحبّه مواطنها القلوب
‏والقلوب اليا تصافت يزيد اشعافها

‏والله ان حبّك سعاده وذنبٍ من الذنوب
‏سكةٍ فيها الركايب يطول اوقافها

‏مايتُوب القلب من حب خله مايتوب
‏ لو تتوب النّاس من حقها واعرافها

......

‏ابي من عيونك نظرةٍ تلفت الانظار
‏ عساها تداوي جرح من قوسك الباري

‏ وابي من كفوفك ضمة الأرض للأمطار
‏ لا صبّت مزونه صب والليل سمّاري

‏ وابي قطعة اللولو وأبي درة المحار
‏ وأبيك السماء والمزن والأرض وأبحاري

‏ هذي كلها عن جرح عينك وأبيها ثار
‏أنا منجرح من سهم عينك وأبي ثاري

......

يازاهي الكحل لك نظرات بتاعه
علمني الرمش والنظرات وش تعني

ما دونك ودون سور القلب فراعه
أطعن بحد العيون السود وأوجعني

فدوتك خفاقي اللي عندك وداعه
ما دام حبه على حبك يشجعني

.....

فكت البرقع عن الخشم والعين
من زود حر الجو ومن الرطوبه

غروً عطاه الله من الملح والزين
لا شافه التايب ماحسب ذنوبه

وانا ترا شاعر .. وقلبي مليعين
وفي حب زين الوصف ماقال توبه

......

‏المحبه عزمها ماهوب معدوم الاراده
‏ما تعيش الا على وضح النقى يا اهل المبادي

‏عادي انك تقتل الاحساس عاده في مهاده
‏بس تجرح من يحبك بالجفى ماهوب عادي

‏ايّه انادي كل غالي من غيابه و ابتعاده
‏و الحقيقه لا شعور ولا حياه المن تنادي

......

ياصاحبي مهما يميلن الاوضاع
الله كريم وكل صعب يحله

نشوم شومة عز عن بعض الاطماع
لاصار تلحق عزة النفس خله

من عاش عمره للمخاليق تباع
يشرب فناجيل الغبن والمذله

......